ភ្នំពេញ យោងតាមគណនីហ្វេសប៊ុកផ្លូវការរបស់ពុទ្ធិកវិទ្យាល័យព្រះសុរាម្រឹត បានអោយដឹងថា ព្រះសង្ឃ៤អង្គ កំពុងនិមន្តធ្វើដំណើរតាមម៉ូតូកង់បី សំដៅទៅសាលារៀន ស្រាប់តែមានជនមិនស្គាល់មុខចំនួន២នាក់ ជិះម៉ូតូ១គ្រឿង តាមមកអែបក្បែរ រួចជះទឹកអាស៊ីដមកលើព្រះសង្ឃទាំង៤អង្គ រួចក្រុមទមិឡឥតសាសនាក៏ជិះម៉ូតូគេចខ្លួនបាត់ ។
ហេតុការណ៍នេះ បានកើតឡើងកាលពីវេលាម៉ោង១និង៤០នាទីរសៀល ថ្ងៃទី០២ កក្កដា ២០១៩ នៅតាមបណ្តោយផ្លូវព្រះនរោត្តម ចំណុចទល់មុខវត្តប្រយូវង្ស ស្ថិតក្នុងសង្កាត់បឹងកេងកង១ ខណ្ឌបឹងកេងកង។