មកលេងកំពង់សោមជាមួយប្រពន្ធកូន ស្រាប់តែជួបគ្រោះថ្នាក់ចរាចរណ៍ឡើងខ្ទេចរថយន្តប៉ុន្តែបានរួចផុតពីចង្កូមមច្ចុរាជ (មានវីដេអូ)

កាលពីថ្ងៃទី០៨ខែកក្កដាឆ្នាំ២០១៩ម្សិលមិញនេះមានករណីគ្រោះថ្នាក់ចរាចរណ៍មួយនេះកើតឡើងរវាងរថយន្ត០៤គ្រឿងបុកតគ្នាដែលមានទិសដៅភ្នំពេញឆ្ពោះទៅខេត្តព្រះសីហនុហេតុការណ៍នេះបានកើតឡើងនៅភូមិទួលទទឹង១ឃុំទួលទទឹងស្រុកព្រៃនប់ខេត្តព្រះសីហនុចន្លោះគីឡូម៉ែត្រលេខ១៨៨-១៨៩ហេតុការណ៍នេះមិនមានមនុស្សរងគ្រោះថ្នាក់ធ្ងន់ធ្ងរទេ។

យ៉ាងណាមិញក៏មានបុរសម្នាក់ឈ្មោះ ឈន រតនា ជាម្ចាស់រថយ​ន្តTOYOTA -PRUIS ពណ៍ផ្សែងបារី ពាក់ផ្លាកលេខភ្នំពេញ 2AW-8296បានធ្វើការបង្ហោះរូបភាពបង្ហាញនូវទិដ្ឋភាពក្រោយគ្រោះថ្នាក់ដោយរថយន្តទាំង៤គ្រឿងត្រូវបានខ្ទេចទាំងស្រុង ប៉ុន្តែប្រពន្ធកូនលោក មិនមានគ្រោះថ្នាក់អ្វីប៉ះពាល់ដល់អាយុជីវិតឡើយ ដោយគ្រាន់តែមានភាពតក់ស្លុត នឹងហេតុការណ៍បានកើតឡើង។

ដោយជនរងគ្រោះមានគណនីហ្វេសប៊ុកឈ្មោះ ឈន រតនា បានសរសេររៀបរាប់ថា ៖”ដោយអំណាចនូវកុសលផលបុណ្យនិងទានដែលខ្ញុំបានសាងយ៉ាងភ្ជាប់ភ្ជាន់ ជាពិសេសគឺទឹកដោះម្តាយថ្លៃ ពួកខ្ញុំត្រូវបានរួចផុតពីចង្កូមមច្ចុរាជ។ ចូរនាំគ្នាសាងអំពីល្អអោយបានច្រើនដើម្បីទទួលនូវអ្វីដែលយើងចង់បានដូចរូបខ្ញុំនៅថ្ងៃនេះស្រាប់។ ពួកយើងខ្ញុំអត់ទាន់ចង់ទៅណាចោលពីអ្នកទាំងអស់គ្នានោះទេ សូមបើកបរអោយមានការប្រុងប្រយ័ត្នផងបងប្អូន។ ជាចុងក្រោយខ្ញុំសូមថ្លែងអំណរគុណយ៉ាងខ្លាំងចំពោះមិត្តភក្រ្ត័បងប្អូនទាំងអស់ដែលបានComment Chats និងCallមកសួរសុខទុក្ខព្រមទាំងជូនពរក្រុមគ្រួសាររបស់ខ្ញុំបាទ”៕

(មានវិដេអូ)

ប្រភព៖ ឈន រតនា