ឯកឧត្តម ស ថេត ៖ ដាក់វិធានការត្រូវលុបបំបាត់ម៉ូតូ កែច្នៃបំពង់សុីមុាំង រំខានដល់ពលរដ្ឋ

ភ្នំពេញ: អគ្គស្នងការរង និងជាស្នងការនគរបាលរាជធានីភ្នំពេញ ឧត្តមសេនីយ៍ឯក ស ថេត ដាក់វិធានការត្រូវលុបបំបាត់ម៉ូតូទាំងឡាយណា ដែលមានគ្រឿងបំពងសំទ្បេងឮខ្លាំង រំខានដល់ពលរដ្ឋ។

ថ្លែងក្នុងពិធីប្រគល់លិខិតបញ្ជាក់ការសិក្សាវគ្គបំប៉នជំនាញ បច្ចេកទេសវិទ្យាសាស្រ្ត និងការគ្រប់គ្រងការស្នាក់នៅជំនាន់ទី៤ នៅស្នងការដ្ឋាននគរបាលរាជធានីភ្នំពេញ ឧត្តមសេនីយ៍ឯក ស ថេត បានលើកឡើងថា ខណ្ឌដូនពេញ ត្រូវមានវិធានការមុនគេ ក្នុងការលុបបំបាត់ម៉ូតូ ដែលបង្កសំទ្បេងរំពងខ្លាំង ជាពិសេសនៅពេលរាត្រី ព្រោះវាពិតជាបានរំខានដល់ពលរដ្ឋ ជាពិសេសចាស់ៗ ដែលពួកគាត់ពិបាកនឹងសម្រាន្តទៅវិញ នៅពេលភ្ញាក់ពីដំណេក។