អាណោចអាធ័មខ្លាំងណាស់កម្មករសំណង់ម្នាក់ត្រូវបានដែកទីបធ្លាក់ចំក្បាលបណ្ដាលឲ្យស្លាប់ភ្លាមៗនៅព្រះសីហនុ….

ខេត្តព្រះសីហនុ៖ កម្មករសំណង់ម្នាក់ត្រូវបានស្លាប់ ភ្លាមៗនៅនឹងកន្លែងកើតហេតុដោយសារដែកទីបធ្លាក់ពីលើអគារត្រូវចំក្បាលជនរងគ្រោះ បណ្ដាលឱ្យបែកស្លាប់ នៅនឹងកន្លែងតែម្ដង។ ហេតុការណ៍នេះបានកើតឡើងកាលពីវេលាម៉ោង ៥ និង ៣០នាទី ថ្ងៃទី ៨ ខែសីហាឆ្នាំ ២០១៩ ដែលស្ថិតនៅជិត និងអាគារ ៧ជាន់ដែលបាក់រលំកាលពីពេលកន្លងមក ក្នុងសង្កាត់លេខ ៤ ក្រុងព្រះសីហនុ។

ជនរងគ្រោះ ជាកម្មករសំណង់ ដែលស្លាប់មានស្រុកកំណើតនៅខេត្តតាកែវបច្ចុប្បន្នសពត្រូវបានរក្សាទុកនៅពេទ្យបង្អែកខេត្តព្រះសីហនុរង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕