រថយន្តកូរ៉េ ប្រភេទឃ្លុបដឹកទំនិញមួយគ្រឿង កំពុងបើកសុខៗ ស្រាប់តែទុស្សេឆាបឆេះ តៃកុងស្ទុះរត់ស្ទើរមិនទាន់

កំពង់ធំ: ហេតុការណ៍នេះបានកើតឡើងនៅវេលាម៉ោង ២ និង០៥នាទីរសៀលថ្ងៃទី២២ ខែសីហា ឆ្នាំ ២០១៩ នេះ ស្ថិតនៅចំណុចផ្លូវចូលបុស្សម្កាក់ ភូមិត្រពាំងឬស្សី ឃុំត្រពាំងឬស្សី ស្រុកកំពង់ស្វាយ។

ម្ចាស់រថយន្តឈ្មោះ ជុំ វុទ្ធី ភេទប្រុស អាយុ៤៥ឆ្នាំមានទីលំនៅភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប។

ខូចខាត៖ ឆេះកាប៊ីនទាំងស្រុង មិនបណ្ដាលឲ្យមានអ្នករងរបួសនោះទេ។ មូលហេតុ៖ រថយន្តកំពុងបើកបរ ឆ្លងខ្សែភ្លើង បណ្តាលឲ្យឆេះតែម្ដង។

ករណីនេះ រថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយ បានចេញអន្តរាគមន៍ចំនួន០១គ្រឿង ប្រើប្រាស់ទឹកអស់ចំនួន០១រថយន្ត ស្មើនិង០៤ម៉ែត្រគុប ទើបរលត់ទាំងស្រុង៕