រថយន្តដឹកកម្មករ និងរថយន្តអ្នកដំណើរ បុកគ្នាបណ្តាលឲ្យស្លាប់៣នាក់ និងរបួស២៦នាក់ ស្រុកសំរោងទង

(កំពង់ស្ពឺ)៖ កាលពីព្រលប់ថ្ងៃទី១៨ ខែកញ្ញា ឆ្នាំ២០១៩ កម្មករ-កម្មករិនី៣នាក់បានស្លាប់ និង២៦នាក់ផ្សេងទៀតរងរបួស ក្នុងហេតុការណ៍គ្រោះថ្នាក់ចរាចរណ៍ រវាងរថយន្ដដឹកកម្មករ បានបុកជាមួយរថយន្តអ្នកដំណើរ នៅផ្លូវជាតិលេខ៤១ ក្នុងចន្លោះគីឡូម៉ែត្រលេខ១៤-១៥ ភូមិទួលតាសុខ ឃុំសែនដី ស្រុកសំរោងទង ខេត្តកំពង់ស្ពឺ ។

គ្រោះថ្នាក់ចរាចរណ៍នេះ លោក វ៉ី សំណាង អភិបាលខេត្តព្រមជាមួយក្រុមការងារ ដែលបានអញ្ជើញពិនិត្យបងប្អូនកម្មករ-កម្មារិនី ដែលជួបគ្រោះថ្នាក់ចរាចរ ហើយលោកសូមចូលរួមរំលែកទុក្ខ និងសោកស្តាយជាពន់ពេក ក្នុងការដ៏អាក្រក់នេះ ហើយសូមឲ្យមានប្រុងប្រយ័ត្នគ្រប់ៗគ្នា បញ្ជៀសឲ្យបានករណីគ្រោះថ្នាក់ចរាចរណ៍៕

ប្រភព៖ Facebook កែសម្រួលដោយ៖ NCN Daily