នៅព្រឹកថ្ងៃទីអង្គារ៍ ៤រោច ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី ២៣ ខែមេសា ឆ្នាំ២០១៩នេះ រដ្ឋបាលសង្កាត់ពន្សាំងដឹកនាំដោយលោក ឈួន ឆាំ ចៅសង្កាត់ពន្សាំង លោក នេត តុងហាក់ ប្រធានក្រុមប្រក្សាសង្កាត់ លោក ផាន សុភ័ណ្ឌ អនុប្រធានសសយក តំណាងលោក ឆុន សំ ប្រធាន សហភាពសហព័ន្ធយុវជនពន្សាំង ព្រមទាំងអាជ្ញាធរ សមត្ថកិច្ច ប្រជាការពារសង្កាត់ ព្រមទាំងសមាជិក សហភាពសហព័ន្ធយុវជនពន្សាំង ២៤ភូមិក្នុងសង្កាត់ពន្សាំង បានធ្វើយុទ្ធនាការរើសសម្រាម នៅតាមបរិវេណរម្មណីដ្ឋានវត្តភ្នំរាប ក្រោយពីបុណ្យចូលឆ្នាំថ្មីប្រពៃណីជាតិបីថ្ងៃមកនេះ ក៏មើលឃើញថា មានសម្រាមជាច្រើននៅ តាមបរិវេណប្រាសាទវិមានសួគ៌ និងប្រាសាទពេជ្រ និងកន្លែងផ្សេងៗជាច្រើនទៀត ។
លោក ឈួន ឆាំ ក៏បានអំពាវដល់អ្នកលក់ងទាំងខាងក្នុង និងខាងក្រៅ សូមជួយសម្អាត នឹងវេចខ្ចប់ សម្រាមទុកដាក់តាមធុងសម្រាម និងវេខ្ចប់ទុកមួយកន្លែងឲ្យបានល្អ ដើម្បីឲ្យខាងក្រុមហ៊ុនស៊ីទ្រី គេមកប្រមោលយកមានការងាយស្រួល ម្យ៉ាងវិញទៀត សូមបងប្អូនត្រូវ ចេះស្រឡាញ់បរិស្ថាន ព្រោះបើបិរស្ថានស្អាត នោះកន្លែងរបស់យើងនឹងគេមកលេងច្រើន មិនថាភ្ញៀវជាតិ និងអន្តរជាតិនោះទេ ។
លោក ផាន សុភ័ណ្ឌ តំណាងលោក ឆុន សំ ប្រធាន ស.ស.យ.ក សុំអំពាវដល់ពុកម៉ែបងប្អូន ដែលគាត់ មកដើរកំសាន្ត ឫក៏គាត់ធ្វើដំណើរជាលក្ខណៈគ្រួសារសូមជួយថែរក្សានូវបិរស្ថាន ក៏ដូចជាស្រឡាញ់ បរិស្ថាន ដែលនៅជុំវិញខ្លួនរប់សយើង នៅពេលដែលបងប្អូន ធ្វើដំណើរទៅកំសាន្ត មិនថារមណីដ្ឋានវត្តភ្នំរាប់
ទេ ទៅកន្លែងណាក៏ដោយ សូមបងប្អូនជួយប្រមូលវេចខ្ចប់ឲ្យបានល្អហើយ សូមយកទៅដាក់ក្នុងធុង សម្រាមដែលមាននៅតាមទីសាធារណៈ ម្យ៉ាងវិញបើពុំមានទេ សូមបងប្អូនទុកដាក់ឲ្យល្អមួយកន្លែង ដើម្បីងាយស្រួលបងប្អូនខាងអនាម័យគាត់ប្រមូល ឫក៏ម្ចាស់ហាង និងតូប ។
លោក ផាន សុភ័ណ្ឌ បានបន្តថា ជាពិសេសបងប្អូនដែលលក់នៅជុំវិញបរិវេណរមណីដ្ឋានវត្តភ្នំរាបនេះតែម្តង សូមជួយវេចខ្ចប់សម្រាមឲ្យបានត្រឹមត្រូវ ពីព្រោះថា ជារៀងរាល់សប្តាហ៍ឡានក្រុមហ៊ុនស៊ីនទ្រី គាត់នឹងដើរប្រមូលតាមតូបនីមួយៗ ដើម្បីងាយស្រួលពួកគាត់ប្រមូល ។
ក្នុងនោះដែរ អនុប្រធានសហភាពសហព័ន្ធយុវជនពន្សាំង ក៏បានថ្លែងអំណរគុណ ក្នុងនាមលោកជាគ្រួសារ នៃសហភាពសហព័ន្ធយុវជនសង្កាត់ពន្សាំង ក៏ដូចជារូប លោកផ្ទាល់ មានសេចក្ដីរីករាយក្រៃលែង ដែលបានរៀបចំយុទ្ធនាការរើសសំរាមនេះ ជាពិសេសនោះ គឺមានការចូលរួមសហការយ៉ាងច្រើនកុះករពី លោកចៅសង្កាត់ លោកប្រធានក្រុមប្រឹក្សា អាជ្ញាធរ សមត្ថកិច្ច បងប្អូនសហភាពសហព័ន្ធយុវជនពន្សាំង ទាំងអស់ ៕ដោយ សុខជា