ជនជាតិចិនស្រវឹងជោកជាំ បើករថយន្តបុកទ្រូងផ្លូវ ក្រឡាប់ផ្ងារជើង នៅមុខព្រលានយន្តហោះអន្តរ ជាតិពោធិ៍ចិនតុង

ភ្នំពេញ: ហេតុការណ៍នេះកើតឡើង នៅវេលាម៉ោង៣និង៤០នាទីទៀបភ្លឺ ថ្ងៃទី១២ ខែឧសភា ឆ្នាំ២០១៩ ស្ថិតតាមបណ្ដោយផ្លូវ សហពន្ធ័រុស្សីចំណុចមុខព្រលានយន្តហោះអន្តរ ជាតិពោធិ៍ចិនតុងក្នុងសង្កាត់កាកាបទី២ខណ្ឌពោធិ៍សែនជ័យ។ ជនជាតិចិនម្នាក់ស្រវឹងស្រាធ្លាក់ភ្នែកបើករថយន្តបោះពួយយ៉ាងលឿនបានជ្រុលចង្កូត ទៅបុករបាំងពុះចែកទ្រូង ផ្លូវបណ្ដាលឲ្យរថយន្តក្រឡាប់ផ្ងារជើងឡើងលើរង ការខូចខាតយ៉ាងដំណំតែសំណាងល្អមិនមានអ្នករបួស។ មុនពេលកើតហេតុគេឃើញជនជាតិចិនបើករថយន្តកាមរីបាឡែនពណ៌ស ពាក់ស្លាកលេខភ្នំពេញ 2Z 0739 ធ្វើដំណើរក្នុងទិសដៅពីលិចទៅកើតក្នុងល្បឿនលឿន ដូចហោះខណ:មកដល់ចំណុចកើតហេតុខាងលើបានជ្រុលចង្កូតទៅ បុករបាំងថ្មពុះចែក ទ្រូងផ្លវពេញទំហឹងបណ្ដាលរងការខូចខាតបាក់៣កង់ចំណែករថយន្តបង្កក្រឡាប់ផ្ងារជើងឡើងលើ។ ភ្លាមៗនោះដែរគេឃើញជនជាតិចិនបានលូនចេញពីរថយន្តគេចខ្លួនបាត់ ៕