អំពាវនាវឲ្យ​សមត្ថកិច្ច តាមចាប់ជនសង្ស័យកំពុង​គេចខ្លួន៦នាក់ នៅបន្ទាយមានជ័យ

បន្ទាយមានជ័យៈ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ បាន​អំពាវនាវឲ្យ​សមត្ថកិច្ចទាំងអស់ សហការជួយបចាប់បានជនសង្ស័យ៦នាក់ ដែលបានយក​វត្ថុរឹងវាយ​មកលើកម្លាំងសមត្ថកិច្ច កំពុងចុះប្រតិបត្តិការ បណ្ដាលឲ្យរងរបួសផ្នែកក្បាល ខាងឆ្វេងយ៉ាងធ្ងន់ធ្ងរ កាលពីថ្ងៃទី២៨ ខែមេសា ឆ្នាំ២០១៩។ បច្ចុប្បន្ន​ជនរងគ្រោះ​បាន​បញ្ជូនទៅសង្រ្គោះបន្ទាន់នៅ មន្ទីរពេទ្យប្រទេសថៃ ដើម្បីវះកាត់លលាដ៍ក្បាល ក្រុមជនសង្ស័យបានធ្វើសកម្មភាពរួច កម្លាំងសមត្ថកិច្ចបានធ្វើការស្រាវជ្រាវ ឃាត់ខ្លួនបានចំនួន២នាក់ ចំណែកជនសង្ស័យចំនួន៦នាក់ទៀតបានរត់គេចខ្លួន៕