ឆ្លើយតបទៅនឹងបញ្ហាដែលក្រុមហ៊ុនអាមេរិក Google កំពុងបិទផ្លូវមិនឲ្យ Huawei ទទួលការផ្គត់ផ្គង់ប្រព័ន្ធប្រតិបត្តិ Android ដំណោះស្រាយដ៏សមប្រកបមួយរបស់ក្រុមហ៊ុនចិនក៏សម្រេចទាញយក OS ចាស់ ដែលខ្លួនសម្ងីអភិវឌ្ឍតាំងពីឆ្នាំ ២០១២ មកកំណត់ឲ្យអតិថិជនត្រៀមបានប្រើប្រាស់ក្នុងពេលខាងមុខ។
HongMeng OS ត្រូវបានគេរាយការណ៍នឹងមិនឲ្យបរាជ័យដូចគន្លងចាស់របស់ប្រព័ន្ធប្រតិបត្តិ BlackBerry OS, Windows Phone និង Tizen របស់ក្រុមហ៊ុនយក្សមួយចំនួនដែលធ្លាប់អភិវឌ្ឍកន្លងមកនោះឡើយ។ OS របស់ក្រុមហ៊ុនយក្សប្រទេសចិន ប្លែកពី OS ដទៃ ពោលគឺនៅតែបន្តគាំទ្ររាល់បណ្តាកម្មវិធី-ហ្គេមមានប្រើប្រាស់លើ Android បានដដែល គ្រាន់រាល់ការទាញយក [Download] តម្រូវឲ្យប្រើប្រាស់កម្មវិធី App Gallery ជំនួស Play Store របស់ Google ។
បញ្ហាដែលអាចនឹងប្រឈមសម្រាប់អតិថិជនអ្នកកាន់ស្មាតហ្វូន Huawei គឺលំបាកត្រង់មិនអាចភ្ជាប់ដំណើរ ការក្នុងការប្រើប្រាស់កម្មវិធីធំៗមួយចំនួនរបស់អាមេរិកដែលរួមមានដូចជា YouTube, Twitter, Instagram និង WhatsApp ជាដើម។
លម្អិតពីប្រព័ន្ធផ្សព្វផ្សាយប្រទេសចិន ប្រព័ន្ធប្រតិបត្តិថ្មីនេះកំណត់ប្រើប្រាស់ឈ្មោះ ‘HongMeng OS’ ជាជាង ‘Kirin OS’ ដូចមានការលើកឡើងកន្លងមក។ ម៉ូឌែលដំបូងបង្អស់ដែលមានប្រើប្រាស់គឺ Huawei Mate 30 Pro អំឡុងចុងឆ្នាំ ២០១៩ ដោយគ្មានទេប្រព័ន្ធ Android 10 Q ខណៈម៉ូឌែលបន្ទាប់អាចជាត្រកូល Huawei P40 នាឆ្នាំ ២០២០៕ ប្រភពSabay