នាថ្ងៃទី០២ ខែមិថុនា ឆ្នាំ២០១៩ នេះ បើយោងតាមរយៈ ម្ចាស់ហ្វេសប៊ុកមួយឈ្មោះ Huy Bunleng បានប្រាប់ ឲ្យដឹងថា៖ “ខេត្តព្រះសីហនុ-(ដំណឹងបឋម) កម្លាំងនគរបាល បានចាប់ខ្លួនជន ដៃដល់ដែលសម្លាប់ក្មេង ២នាក់ នៅស្រុកព្រៃនប់ ខេត្តព្រះសីហនុ បានហើយនៅថ្ងៃទី២ មិថុនា ២០១៩ ប៉ុន្មានថ្ងៃក្រោយ ជននេះប្រព្រឹត្តអំពើឃាតកម្មដ៏សាហាវ ក្រោមការថ្កោលទោសពីគ្រប់មជ្ឈដ្ឋាន។
ប្រភពពីសមត្ថកិច្ចអោយដឹងជាបឋមថា«ជនដៃដល់រួមនិងស្ត្រីម្នាក់ទៀតដែលជាប់សង្សយ័ ត្រូវបាននគរ បាលចាប់ខ្លួននៅស្រុកមេសាង ខេត្តព្រៃវែង និងកំពុងបញ្ជូនទៅស្នង ការដ្ឋាននគរបាល ខេត្តព្រះសីហនុ ហើយដើម្បីរៀបសំណុំរឿងបញ្ជូនទៅកាន់តុលាការ»។
សូមបញ្ជាក់ថា ឃាតកម្មដ៏ព្រៃផ្សៃនេះ បង្កឡើងដោយជនល្មើសចាប់រំលោភកុមារី អាយុ១០ឆ្នាំ បន្ទាប់មក ធ្វើសកម្មភាពសម្លាប់ទាំងកុមារី និងកុមារជាប្អូនអាយុ ២ឆ្នាំកន្លះ ដែលកំពុងដេកនៅ ក្នុងផ្ទះជាមួយគ្នា។
ក្មេងបុរសជាប្អូនបានស្លាប់ភ្លាមៗនៅក្នុងផ្ទះ ហើយក្មេងស្រីជាបងត្រូវបានក្រុមគ្រួសារព្យាយាមដឹកមក សង្គ្រោះរហូតដល់រាជធានីភ្នំពេញ តែមិនអាចជួយសង្គ្រោះជីវិត និងបានស្លាប់បាត់បង់ជីវិតនៅលើរថយន្ត វេលាម៉ោង ៨យប់ថ្ងៃដដែលនោះ។ កុមារារងគ្រោះមានឈ្មោះ ផា សុខលី អាយុ២ឆ្នាំ និងកុមារីជាបងមាន ឈ្មោះ ផា ស្រីល័ក្ខ អាយុ៧ឆ្នាំ។
ចំណែកប្រហែលជាប៉ុន្មានម៉ោងមុននេះ នាថ្ងៃទី០២ ខែមិថុនា ឆ្នាំ២០១៩ បើយោងតាមរយៈ ម្ចាស់ហ្វេស ប៊ុកឈ្មោះ “បង ម៉េង អ្នកសារព័ត៌មាន” បានបង្ហោះវីដេមួយ នូវចម្លើយសារភាពរបស់ជនដៃដល់ ដែលសម្លាប់ក្មេង ២នាក់ នៅខេត្តព្រះសីហនុ ដោយជនដៃដល់បានសារភាពថា គឺដោយសារ ស្រវឹងស្រា ហើយនិងកំរោលចូល ដូចនេះដើម្បីជ្រាបកាន់តែច្បាស់បន្ថែមទៀត សូមទស្សនាវីដេអូខាងក្រោមនេះ៕