នាពាក់កណ្ដាលខែកក្កដា ឆ្នាំ២០១៩នេះ អភិបាលខេត្តព្រះសីហនុ គ្រោងស្ថាបនាកំណាត់ផ្លូវ ពីកំពង់ផែក្រុង ទៅទំនប់រលក

ព្រះសីហនុ៖ ប្រធានមន្ទីរសាធារណៈការ និងដឹកជញ្ជូន ខេត្តព្រះសីហនុ លោក ណុប ហេង បានអោយដឹងនៅល្ងាចថ្ងៃទី៩ ខែកក្កដា ឆ្នាំ២០១៩ នេះថា ផ្លូវនេះ រដ្ឋបាលខេត្ត មានគម្រោងស្ថាបនាជាផ្លូវការ ដើម្បីបើករំដោះចរាចរណ៍តាមផ្លូវនេះផងដែរ និងថាកិច្ចពិភាក្សារវាងអជ្ញាធរខេត្ត នឹងមន្ត្រីជំនាញពីក្រសួង អំពីគម្រោងធ្វើផ្លូវនេះ គ្រោងធ្វើនៅថ្ងៃទី១០ ខែកក្កដា ឆ្នាំ២០១៩ ។

ទោះជាយ៉ាងនេះក្តីចំពោះមុខ បើតាមលោក ណុប ហេង បញ្ជាក់ថា អជ្ញាធរនឹងរៀបចំចាក់គ្រួស ថ្ម តាមកន្លែងខូចបណ្តោះអាសន្នសិន ដើម្បីសម្រួលដល់ការធ្វើដំណើរ៕