ជារៀងរាល់ខែ ទីភ្នាក់ងារជាតិ មុខរបរ និង ការងារ នៃក្រសួងការងារ និង បណ្តុះបណ្តាលវិជ្ជាជីវៈបានសហការជាមួយក្រុមហ៊ុនធំៗនៅក្នុងប្រទេសក្ពុជាដើម្បីរៀបចំព្រឹត្តិការណ៍ការងារ ដើម្បីផ្តល់ឱកាសការងារដល់ប្រជាពលរដ្ឋ ក៏ដូចជា សិស្ស និស្សិត ដែលមិនទាន់មានការងារធ្វើ ហើយមានបំណងចង់ស្វែងរកការងារធ្វើ អាចកាន់ប្រវត្តិរូប ( C V ) ចូលទៅធ្វើសម្ភាស ឬ ទៅរកការងារធ្វើនៅទីនោះបាន ។
ជាមួយគ្នានេះ នៅថ្ងៃទី ២៧ ខែធ្នូ ឆ្នាំ ២០១៨នេះ ទីភ្នាក់ងារជាតិ មុខរបរ និង ការងារ បានសហការជាមួយក្រុមហ៊ុនធំៗចំនួន ១០ នឹងរៀបចំនូវព្រឹត្តិការណ៍ការងារដ៏ធំមួយ ដែលនឹងផ្តល់ឱកាសការងាររហូតដល់ទៅ ១ ៦៧១កន្លែង ដល់ប្រជាបលរដ្ឋ និង សិស្ស និស្សិត ដែលកំពុងរកការងារធ្វើ ។ ដូច្នេះបើបងប្អូនមានការចាប់អារម្មណ៍ ហើយចង់ស្វែងរកការងារធ្វើ កុំភ្លេចកាន់ប្រវត្តិរូបចូលទៅធ្វើសម្ភាសផ្ទាល់នៅថ្ងៃនោះតែម្តង ។
ព្រឹត្តិការណ៍ការងារនេះនឹងរៀបចំធ្វើ នៅក្នុងក្រសួងការងារ និង បណ្តុះបណ្តាលវិជ្ជាជីវៈ ដែលមានទីតាំងនៅតាមបណ្តោយមហាវិថីសហព័ន្ធរុស្សី ម្តុំសាកលវិទ្យាល័យភូមិន្ទភ្នំពេញ ។ បើចង់ដឹងព័ត៌មានបន្ថែមអាចទូរស័ព្ទសួរព័ត៌មានតាមរយៈលេខទូរស័ព្ទនេះ 077 232 378 / 016 786655 ៕ប្រភភប្រជាប្រិយ ដោយ តារារ៉ាយ
