រដ្ឋបាលរាជធានី ជូនដំណឹងដល់បងប្អូន ត្រូវពង្វាងទិសចរាចរណ៍ ដើម្បីបញ្ចៀសគ្រោះថ្នាក់ ហានិភ័យ រយៈពេលបីថ្ងៃ ក្នុងតំបន់មានគ្រោះអគ្គិភ័យ

ភ្នំពេញ៖ យោងតាមផេករដ្ឋបាលរាជធានី ចេញសេចក្តីជូនដំណឹងដល់ប្រជាពលរដ្ឋទាំងអស់ ជាពិសេសអ្នក រស់នៅភូមិចំរើនផល​ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ឱ្យបានជ្រាបថា ដោយកាល ពីម្សិលមិញ មានគ្រោះអគ្គិភ័យ ឆេះសិប្បកម្ម ធ្វើពូក រដ្ឋបាលរាជធានី ភ្នំពេញសូម ជូនដំណឹង ដល់សាធារណៈជនទាំងអស់ឱ្យបានជ្រាបថា ដើម្បីរក្សាសុខ សុវត្ថិភាព អ្នកធ្វើដំណើរឆ្លងកាត់តំបន់នេះ ត្រូវពង្វាងទិសចរាចរណ៍ ដើម្បីបញ្ចៀសគ្រោះថ្នាក់ ហានិភ័យ ដែលអាចកើតមានជាយថាហេតុ រយៈពេល បីថ្ងៃ ចាប់ពីថ្ងៃទី២៥ដល់ថ្ងៃទី២៧ ខែសីហា ឆ្នាំ២០១៩ នេះតទៅ។