ទុក្ខជាន់លើទុក្ខ !!បាញ់កាំជ្រួចក្នុងពីធី បូជាសព ខុសបច្ចេកទេស បណ្តាលអោយផ្ទុះ ត្រូវមនុស្សរងរបួសធ្ងន់ស្រាល៦នាក់ នៅស្រុកស្វាយទាប
ខេត្តស្វាយរៀង៖ហេតុការណ៍នេះបានកើតឡើងកាលពីវេលាម៉ោង០៦និង៤០នាទីព្រលប់ថ្ងៃទី២៣ ខែកញ្ញា ឆ្នាំ២០១៩ នៅចំណុចផ្ទះរបស់ឈ្មោះទេព សុង ភេទស្រី ស្ថិតក្នុងភូមិត្បែង ឃុំគគីសោម ស្រុកស្វាយទាប ខេត្តស្វាយរៀង។
នៅមុនពេលកើតហេតុ មានបូជាសពដោយដាក់ម៉េន និងដុតកាំជ្រួចដើម្បីបូជាសព ខណៈដែលកំពុងតែបូជាសពនោះ ក៏ដួលកាណុងជ័របាញ់កាំជ្រួច បានដួល បែរចំហ្វូងមនុស្សដែលដែលទៅចូលរួម បណ្តាលឲ្យផ្ទុះកាំជ្រួច រងរបួសធ្ងន់ដល់ម្ចាស់ឈ្មោះសារុន សំណាង ភេទប្រុស អាយុ២៨ឆ្នាំ មានទីលំនៅភូមិឬស្សីអម ឃុំខ្សែត្រ ស្រុកកំពង់រោទិ៍ ខេត្តស្វាយរៀង និងរងរបួសស្រាលចំនួន៥នាក់ទៀត៖
១/ឈ្មោះឆាយ សូវ៉ាត ភេទប្រុស អាយុ៤២ឆ្នាំ ២/ឈ្នាន់ សុរ៉ាវី ភេទប្រុស ៣/ឈ្មងមិន សាវ៉ាន់ ភេទប្រុស អាយុ៤៨ឆ្នាំ ៤/ឈ្មោះគង់ សាខឿន ភេទប្រុស អាយុ៥១ឆ្នាំ ៥/ប៉ែង គួ ភេទប្រុស អ្នកទាំង៥នាក់រស់នៅភូមិ ត្បែង ឃុំគគីសោម ស្រុកស្វាយទាប ខេត្តស្វាយរៀង។ ជនរងគ្រោះទាំងអស់ ត្រូវបានក្រុមគ្រួសារបញ្ជូន ទៅព្យាបាលនៅមន្ទីរពេទ្យបង្អែកខេត្តស្វាយរៀង។ មូលហេតុ មកពីម្ចាស់ដុតកាំជ្រួច ជីកដីដាក់បង្គោលរាក់ បណ្តាលឲ្យដួល និងបែកកាណុងជ័រផ្ទុះតែម្តង៕
ប្រភព៖ FB កែសម្រួលដោយ៖ NCN Daily