ខេត្តរតនគិរី ៖ មុននេះបន្តិចវេលាម៉ោងជិត១១ព្រឹក ថ្ងៃទី០៣ ខែតុលា ឆ្នាំ២០១៩ ខ្មាន់កាំភ្លើងដែលបាញ់សម្លាប់ នគរបាលព្រហ្មទណ្ឌកម្រិតស្រាល ខេត្តរតនគិរី ត្រូវកម្លាំងសមត្ថកិច្ចតាមចាប់ខ្លួនបានហើយ ។
បន្ទាប់ពីបាញ់ប្រហារ នៅម៉ោងប្រមាណ៩ព្រឹកថ្ងៃទី០៣ តុលា នេះស្ថិតក្នុងហាងកាហ្វេមួយកន្លែង ភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ជនដៃដល់ត្រូវកម្លាំងនគរបាលតាមចាប់ខ្លួនបាន និងដកហូតបានកាំភ្លើងខ្លីមួយដើម ជាមួយរថយន្ដដែលជិះធ្វើសកម្មភាពមួយគ្រឿងផងដែរ ។
ទោះបីជាយ៉ាងណា ជំហានដំបូងនៅមិនទាន់ដឹងពីមូលហេតុនៃអំពើឃាតកម្មនេះនៅឡើយទេ ខណៈជនដៃដល់កំពុងបញ្ជូនទៅស្នងការដ្ឋាននគរបាលខេត្ត ដើម្បីធ្វើការសួរនាំ ៕
