កម្ពុជាគ្រោងទិញយន្តហោះស៊ើបការណ៍ ៣ទៅ៤គ្រឿងបន្ថែមទៀត រួមនិងសព្វាវុធមួយចំនួន ពីប្រទេសឆែក..

នាយករដ្ឋមន្រ្តីនៃកម្ពុជា សម្តេចតេជោ ហ៊ុន សែន បានថ្លែងពីទីក្រុងប្រាក ថា ដើម្បីពង្រឹងវិស័យយោធា របស់កម្ពុជា ឲ្យកាន់តែរឹងមាំបន្ថែមទៀត កម្ពុជាគ្រោង នឹងទិញយន្តហោះស៊ើបការណ៍ ប្រភេទ L39 ចំនួន៣-៤គ្រឿងបន្ថែមទៀត រួមនិងសពា្វវុធមួយចំនួន ប្រទេសឆែក ខណៈកាលពីមុន កម្ពុជា បានទិញយន្តហោះស៊ើបការណ៍ L39 ចំនួន៦គ្រឿងពីប្រទេសឆេករួចម្តងហើយ។

ការប្រកាស គ្រោងទិញសព្វាវុធបន្ថែម ដើម្បីពង្រឹងក្នុងវិស័យទំនាក់ទំនងសន្តិសុខ និងការ ពារជាតិរបស់កម្ពុជាបែបនេះ ធ្វើឡើងនៅក្នុងឱកាស នាយករដ្ឋមន្រ្តីនៃប្រទេសទាំង ពីរ បានរួមគ្នាធ្វើសន្និសីទសារព័ត៌មាន នៅទីក្រុងប្រាក ប្រទេសឆែក ក្រោយពីជំនួបកំពូលទ្វេភាគី និងកិច្ចពិភាក្សាចង្អៀត រវាងនាយករដ្ឋមន្រ្តីនៃប្រទេសទាំងពីរបានបញ្ចប់ដោយជោគជ័យ។