អភិបាលរាជធានីភ្នំពេញ ទទួលសម្ភារការពារជំងឺ COVID-19 ពីអង្គការការីតាស និងបន្តចែកដល់ខណ្ឌទាំង១៤ អំពាវនាវឲ្យពលរដ្ឋបង្កើនការថែរក្សាសុខភាព

ភ្នំពេញ៖ អភិបាលរាជធានីភ្នំពេញ ឯកឧត្តម ឃួង ស្រេង បន្តឲ្យពលរដ្ឋបង្កើនការថែរក្សាសុខភាពតាមគោលការណ៍របស់ក្រសួងសុខាភិបាល បើទោះបីនៅសល់អ្នកជំងឺ COVID-19 តែម្នាក់ក៏ដោយ ដើម្បីការពារការចម្លងថ្មីនៃជំងឺ COVID-19 ពីមនុស្សមា្នក់ទៅមនុស្សម្នាក់ទៀត ឬទៅសហគមន៍។

ឯកឧត្តម ឃួង ស្រេង បានថ្លែងដូច្នេះក្នុងឱកាសទទួលសំភារសម្រាប់ប្រយុទ្ធប្រឆាំងមេរោគ COVID-19 ជាច្រើនពីអង្គការការីតាសកម្ពុជា នៅព្រឹកថ្ងៃទី១៣ ខែឧសភា ឆ្នាំ២០២០ នៅសាលារាជធានីភ្នំពេញ សម្រាប់បែងចែកទៅតាមសង្កាត់ និងមូលដ្ឋាន ដើម្បីបង្កើនការប្រយុទ្ធប្រឆំាងជំងឺ COVID-19។