រាជធានីភ្នំពេញ ៖ នៅថ្ងៃទី២៧-០១-២០១៨ វេលាម៉ោង១៦ និង៣០នាទី ប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួនជនសង្ស័យចំនួន ០២នាក់ ករណីជួញដូរគ្រឿងញៀន នៅចំណុចផ្ទះសំណាក់វិមានថ្មី ផ្លូវ១០០៥ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
ជនសង្ស័យចំនួន០២នាក់រួមមាន ៖ ១-ឈ្មោះ ស៊ឹម តហៀក ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅចល័ត តាមផ្ទះសំណាក់ ។ ២-ឈ្មោះ កប សិរីរ័ត្ន ភេទស្រី អាយុ២២ឆ្នាំ មុខរបរមិនពិតប្រាកដ ស្នាក់នៅក្នុងបន្ទប់ជួល ផ្លូវបេតុង សង្កាត់ស្ទឹងមានជ័យ ខណ្ឌមានជ័យ ។
សម្ភារៈដកហូត ៖ក្រាមសថ្លាចំនួន០២កូនថង់តូច និងឧបករណ៍កែច្នៃប្រើប្រាស់គ្រឿងញៀនចំនួន០១ឈុត ។សមត្ថកិច្ចបានអោយដឹងថា មុនពេលកើតហេតុ កម្លាំងប៉ុស្តិ៍ភ្នំពេញថ្មី បានទទួលការសហការពីម្ចាស់ផ្ទះសំណាក់វិមានថ្មី តាមរយៈទូរសព្ទ័ដៃ ថានៅចំណុចខាងលើ មានមនុស្សចំនួន០១ក្រុម កំពុងនាំគ្នាជក់គ្រឿងញៀន ក្នុងបន្ទប់ផ្ទះសំណាក់របស់ខ្លួន និងដោយមានការឯកភាពពីលោក ចែ សុង ព្រះរាជអាជ្ញារងអមសាលាដំបូងរាជធានីភ្នំពេញ បន្ទាប់មកកម្លាំងសមត្ថកិច្ចយើងបានចុះដល់ចំណុចកើតហេតុ ធ្វើការឃាត់ខ្លួនជនសង្ស័យបានចំនួន០២នាក់ រួមទាំវត្ថុតាង រួចនាំខ្លួនជនសង្ស័យយកមកធ្វើការសាកសួរនៅអធិការដ្ឋាននគរបាលខណ្ឌសែនសុខ ។ បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ។
ដោយ ៖ Sing Ly
