(ប្រទេសថៃ) នៅព្រឹកថ្ងៃពុធ ទី១១ ខែកក្តដា មានកប៉ាល់ដឹកទំនិញ ១គ្រឿងដោយផ្ទុកកុងតឺរន័រជាច្រើន ត្រូវបានវាយប្រហារដោយរលកដ៏ធំៗ បណ្តាលឲ្យកុងតឺន័រ ទាំងអស់ បានធ្លាក់ចូលក្នុងសមុទ្រ នៅក្នុងខេត្ត Trang ប្រទេសថៃ ។
កប៉ាល់នោះឈ្មោះ NP Lovegistics 2 បានបញ្ជូនសញ្ញាជំនួយសង្គ្រោះបន្ទាន់មួយ ក្រោយពីមានរលកធំៗវាយប្រហារ និងបណ្តាលឲ្យកប៉ាល់ត្រូវរសាត់នៅក្នុងសមុទ្រ នៃភាគខាងលិចកោះ Koh Lao Liang ក្នុងស្រុក Kantang ក្នុងខេត្ត Trang ។ ប៉ូលីសជើងទឹក បន្ទាប់មក បានណែនាំដល់ប្រធានក្រុមនាវា ដើម្បីនាំយកវាចូលចតនៅកំពង់ផែ ស្ថិតក្នុង Tambon Na Klua នៃស្រុក Kantang ដើម្បីរង់ចាំប្រតិបត្តិការសង្គ្រោះស្រង់យកកុងតឺន័រទាំងអស់នោះពីក្នុងទឹក ។
ប៉ូលីសជើងទឹក Trang បានបញ្ចូននាវាល្បាត ដើម្បីសង្គ្រោះកប៉ាល់ដឹកទំនិញនោះ បន្ទាប់ពីបានដឹងពីហេតុការណ៍នោះនៅថ្ងៃត្រង់ ។
សូមបញ្ជាកដែរថា ប៉ូលីសនៅច្រកព្រំដែនខេត្ត Trang នៃប្រទេសថៃ និយាយថា គ្មាននរណាម្នាក់នៅលើកប៉ាល់នោះ ទទួលរងរបួស ឬ ស្លាប់ នៅក្នុងហេតុការណ៍នោះទេ ៕
