រថយន្ត​កុងតឺន័រ​បើកកៀរម៉ូតូ​អូសទាំងមនុស្ស​ជិត​ ១០០ម៉ែត្រ ទើប​សម្រេច​ចិត្ត​ឈប់​

0
331

ខេត្តព្រះសីហនុ៖ គ្រោះថ្នាក់ចរាចរណ៍​រវាង​រថយន្ត​កុងតឺន័រ​បើក​កៀរ​ម៉ូតូ​មួយ​គ្រឿង​បណ្ដាលឲ្យបុរសម្នាក់​រងរបួសជើង​ កាលពី​វេលា​ម៉ោង​ ២និង៤០នាទី ថ្ងៃទី​ ៤ ឧសភា​ ឆ្នាំ​ ២០១៩ នៅ​ចំណុច​មុខ​ប៉ុស្តិ៍​ប្រជា​ការពារតាមបណ្ដោយផ្លូវជាតិលេខ៤​ ជិត​រោងចក្រ​ញូវស្តារ​ ភូមិ​១ សង្កាត់លេខ​១ ក្រុងព្រះសីហនុ​។

បើតាម​ការ​រៀប​ពីអ្នកឃើញ​ហេតុការណ៍​ថា​ គេឃើញ​បុរស​ម្នាក់​ជិះម៉ូតូ​ម៉ាក​ សង់​សេ​១២៥ ពាក់​ស្លាកលេខ ព្រះសីហនុ​​ 1G-1173 ធ្វើដំណើរ​តែ​ម្នាក់ឯង​ក្នុង​ទិសដៅ​ ភ្នំពេញ​-ព្រះសីហនុ ស្រប​ជាមួយ​រថយន្ត​កុងតឺន័រ​មួយ​គ្រឿង​ម៉ាក​ FUSO​ ស្លាកលេខ​ តាកែវ​ 3A-1016 មកដល់​ចំណុចកើតហេតុ​ ត្រូវ​បាន​រថយន្ត​នេះកៀរ​ទាំង​ម្ចាស់​និង​​ម៉ូតូ​ទាក់ជាប់​ខ្សែ​ហ្វាំង​ម៉ូតូ​ក្រោមរថយន្ត​កុងតឺន័រ​ចំហៀង​ខាងស្ដាំ​អូស​ទាំង​មនុស្ស​និង​ម៉ូតូ​ជិត​១០០ម៉ែត្រ ទើប​រថយន្ត​សម្រេចចិត្ត​ឈប់​។

ក្នុងហេតុការណ៍នេះ​ ធ្វើឲ្យ​បុរស​អ្នកបើកបរ​ម៉ូតូ​រងរបួស​ជើង​និងដៃ​ ដោយ​រថយន្ត​កុងតឺន័រ​អូស​ ប៉ុន្តែ​សំណាងល្អ​មិន​មាន​គ្រោះថ្នាក់​ដល់ជីវិតនោះទេ​។ បន្ទាប់ពី​កើតហេតុ​គេឃើញ​តៃកុង​រថយន្ត​បានចុះមក​យក​ប្រេង​មក​លាបឲ្យ​ជនរងគ្រោះ​។ ភ្លាមៗ​មិនទាន់​មានសមត្ថកិច្ច​មក​អន្តរាគមន៍​នោះឡើយ៕

LEAVE A REPLY

Please enter your comment!
Please enter your name here