ខេត្តបាត់ដំបង: នៅវេលាម៉ោង៦និង៥០នាទីព្រឹកថ្ងៃទី២១ ខែឧសភា ឆ្នាំ២០១៩ ស្ថិតក្នុងភូមិចម្ការអូរ ឃុំកន្ទឺ២ ស្រុកបាណន់ ខេត្តបាត់ដំបង កម្លាំងសមត្ថកិច្ចឃាត់ខ្លួនជនដៃដល់ ករណីឃាតកម្ម កាប់ប្រពន្ធដាច់ក្បាលដោយមិនញញើតដៃ ។
ជនដៃដល់ឈ្មោះ យឿត រឿត អាយុ៣៣ឆ្នាំ រីឯប្រពន្ធរងគ្រោះ ឈ្មោះ ម៉ាន់ សុធាអាយុ ៣៧ឆ្នាំ រស់នៅចំណុចកើតហេតុខាងលើ។
សមត្ថកិច្ចបានឲ្យដឹងថា ជនដៃដល់បានប្រើកាំបិតខ្វែវកាប់ប្រពន្ធដាច់ក្បាល រួចយកទៅបោះចោលខាងមុខផ្ទះក្បែរថ្នល់ ហើយត្រូវបានសមត្ថកិច្ច ឃាត់ខ្លួនបានភ្លាមៗផងដែរ។
មូលហេតុយ៉ាងណាសមត្ថកិច្ចមិនទាន់ដឹងច្បាស់នោះទេ ដោយមកទល់ពេលនេះ ជនដៃដល់ត្រូវបានកម្លាំងអធិការស្រុកបាណន់ កំពុងធ្វើការសាកសួរ ដើម្បីកសាងសំណុំរឿង ចាត់ការតាមផ្លូវច្បាប់៕
(មានវិដេអូ)
