ខេត្តព្រះសីហនុ៖ រថយន្តហាយឡែនឌ័របើកល្បឿនលឿន រេចង្កូតបុកដើមឈើ ផ្ទុះឆាបឆេះនៅផ្លូវជាតិលេខ៤ នៅស្រុកកំពង់សីលា ហេតុការណ៍នេះបានកើតឡើងកាលពីវេលាម៉ោងជិត៦ល្ងាច ថ្ងៃទី២៧ ខែកុម្ភៈ ឆ្នាំ២០១៩ ចន្លោះគីឡូម៉ែត្រ ១៤៩-១៥០ ស្ថិតក្នុងភូមិគីរីវ័ន្ត ឃុំស្ទឹងឆាយ ស្រុកកំពង់សីលា ខេត្តព្រះសីហនុ។
សមត្ថកិច្ចបានអន្តរាគមន៍ ប្រើរថយន្តបាញ់ទឹកពន្លត់ ហើយក្នុងហេតុការណ៍នេះមិនបណ្ដាលឲ្យគ្រោះថ្នាក់ដល់មនុស្សឡើយ ។
សមត្ថកិច្ចឲ្យដឹងពីហេតុការណ៍នេះថា រថយន្តមួយគ្រឿងនេះម៉ាកហាយឡែនឌ័រ (មិនស្គាល់ឈ្មោះអ្នកបើកបរ) មានទិសដៅពីភ្នំពេញ ទៅខេត្តព្រះសីហនុ ដល់ចំណុចកើតហេតុបានរេ ចង្កូតបុកដើមឈើបណ្តាលឲ្យរថយន្តនេះរងការឆាបឆេះជាអគ្គិភ័យ ។
ក្រោយកើតហេតុអ្នកបើកបររថយន្តបានរត់គេចខ្លួន រីឯរថយន្តនេះរងការ ខូចខាតធ្ងន់ធ្ងរ ត្រូវបានសមត្ថកិច្ចស្ទូចយកទៅរក្សាទុកនៅអធិការដ្ឋាន នគរបាលស្រុកកំពង់សីលា ៕
ប្រភព៖ FB
