(ខេត្តកំពង់ស្ពឺ)៖ ជនសង្ស័យបន្លំខ្លួនជាព្រះសង្ឃដេីរបិណ្ឌបាតនៅតាមបណ្ដា ក្រុងស្រុក រាជធានី ខេត្តកន្លងមក អស់លក្ខណ៍ ប្រជាពលរដ្ឋរាយការណ៍ជូនសមត្ថកិច្ចឲ្យឃាត់ខ្លួនបញ្ជូនទៅតុលាការចាត់ការតាមនិតិវិធី ការខាតខ្លួននេះធ្វើឡើងនៅថ្ងៃទី២៣ ខែកុម្ភៈ ឆ្នាំ២០១៩ ។
តាមសម្តីសមត្ថកិច្ចបានឲ្យដឹងថា បន្ទាប់ពីព្រះចៅអធិការវត្ដមុន្នីសុខារាមនិងគណៈកម្មការអាចារ្យវត្ដ ការិយាល័យធម្មការស្រុកឧដុង្គ ធ្វើការនិមន្ដ សួរនាំរកឯកសារពាក់ព័ន្ធនិងទីវត្ដអារាមគង់ទេីបដឹងថាជាសង្ឍក្លែងក្លាយ កាលពីថ្ងៃទី២០.កុម្ភៈ ២០១៩ នៅចំណុចភូមិរំលេច ឃុំព្រះស្រែ ស្រុកឧដុង្គ ខេត្តកំពង់ស្ពឺ។
ជនសង្ស័យបានសារភាពថា ខ្លួនធ្លាប់បួសជាសង្ឍនៅក្នុងអំឡុងឆ្នាំ២០០៧ នៅឆ្នាំ ២០០៨ បានទៅគង់នៅវត្ដស្ទឹងមានជ័យ រាជធានីភ្នំពេញ ដោយលួចដេីរលេង យប់ចៅអធិការបានផ្សឹកបណ្ដេញចេញពីវត្ដ និងគ្មានគោលដៅចេះតែរស់បន្ដអាជីពជាសង្ឍក្លែងក្លាយមួយថៃ្ងបានប្រាក់ពីចន្លោះ ៨មុឺនរៀលទៅ ១២មុឺនរៀល បានសម្ភារៈ មួយចំនួនតាមជាក់ស្តែង ដោយទូរទាត់ថ្លៃសាំងម៉ូតូ អ្នកដឹកជញ្ជូន និងថ្លៃជួលផ្ទះថែមទៀត។ តាមការឲ្យដឹងបន្ថែមជនសង្ស័យធ្លាប់ប្រព្រឹត្ដអំពេីដូចនេះនិងត្រូវតុលាការខេត្ដកណ្ដាលធ្វេីការឃុំខ្លួននៅពន្ធនាគារខេត្ដ ក្រោយរួចទោសដោះលែងក៏បន្ដមុខរបរនេះទៀត។
បច្ចុប្បន្នសមត្ថកិច្ចជំនាញខេត្តកំពង់ស្ពឺបានកសាងសំណុំរឿងបញ្ជូនទៅអយ្យការអមសាលារដំបូងខេត្តកំពង់ស្ពឺ ដើម្បីចាត់ការតាមនីតិវិធី៕
ដោយ៖ SVD
