ភ្នំពេញ ៖ ស្រ្តីម្នាក់បើក រថយន្តនីសាន់បុករះ ម៉ូតូចំនួន៦គ្រឿង បណ្តាលឲ្យរង របួសធ្ងន់ស្រាលជាច្រើននាក់ទាំងព្រលឹម នៅផ្លូវចូលបុរីវិមានសុភមង្គល! ហេតុការណ៍នេះបានកើតឡើងនៅ វេលាម៉ោង៧ព្រឹក នៅថ្ងៃទី១០ ខែមករា ឆ្នាំ២០១៩ តាមបណ្ដោយផ្លូវ២១៧ កែងនិងផ្លូវចូលបុរីវិមានសុភមង្គល ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
ប្រភពពីកន្លែងកើតហេតុ បានឲ្យដឹងថា ខណៈអ្នកជិះម៉ូតូកំពុងឈប់ស្តុប ស្រាប់តែរថយន្តនីសាន់ ពាក់ស្លាកលេខ កំពង់ធំ 2A-2092 បានមកបុកម៉ូតូ ពីក្រោយទាំងកំរោលតែម្តង បណ្តាល៣គ្រឿង ជាប់ក្រោយរថយន្ត និងបីគ្រឿងទៀត បានរងការខួចខាត ចំណែកមនុស្សរងរបួសធ្ងន់ស្រាលជាច្រើននាក់ ។
ក្រោយកើតហេតុស្រ្តីជាម្ចាស់រថយន្ត ត្រូវបានសមត្ថកិច្ចឃាត់ខ្លួនភា្លមៗតែម្តង ។ ចំណែកម៉ូតូ៦គ្រឿង និងរថយន្តបង្កត្រូវសមត្ថកិច្ចធ្វើការវាស់វែង យកទៅរក្សាទុក នៅខណ្ឌខណ្ឌមានជ័យដើម្បីដោះស្រាយនៅពេលក្រោយ ៕
ប្រភព៖ FB
