(បាត់ដំបង) ÷ សមត្ថកិច្ចចាប់បញ្ជូនខ្លួនជនសង្ស័យម្នាក់ទៅតុលាការខេត្តនៅព្រឹកថ្ងៃទី១៦ខែសីហាឆ្នាំ២០១៩ ពីបទឃាតកម្ម បន្ទាប់ពីជនដៃដល់បានយកកាំបិតកញ្ចែត១ដើមចូកមកអាក.ប្អូនស្រីជីដូនមួយកំពុងដេកមើលទូរទស្សន៍ក្នុងផ្ទះបណ្តាលឲ្យស្លាប់ៗភ្លាមៗកាលពីវេលាម៉ោង១៧:០០នាទីយប់ថ្ងៃទី១៥ខែសីហាឆ្នាំ២០១៩ចំនុចក្រុមទី១ ភូមិមោង ឃំុមោង ស្រុកមោងឬស្សី ខេត្តបាត់ដំបង។
លោកឧត្តមសេនីយ៍ត្រី ជេត វណ្ណនី ស្នងការរងទទួលបន្ទុកព្រហ្មទណ្ឌបានឲ្យដឹងថា កាលពីវេលាង១៧:០០នាទីយប់ថ្ងៃទី១៥ខែសីហាឆ្នាំ២០១៩ចំនុចក្រុមទី១ ភូមិមោងឃំុមោង ស្រុកមោងឬស្សី ខេត្តបាត់ដំបងមានករណីឃាត
កម្ម១បានកើតឡើងបង្កដោយជនដៃដល់ឈ្មោះ ជុំ ជោគជ័យ ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិមោងឃុំមោង ស្រុកមោងឬស្សី បប. ប្រដាប់ដោកាំបិតកញ្ចែត១ដើមពណ៍ខ្មៅបានធ្វើសកម្មភាពចាប់ ជនរងគ្រោះឈ្មោះ អ៊ុន កញ្ចនា ភេទស្រី អាយុ១៦ឆ្នាំ មុខរបរសិស្ស. មានទីលំនៅភូមិមោង ឃុំ មោង ស្រុកមោងឬស្សី បានអាក.ធ្វេីឲ្យដាច់សរសៃបំពង់ក ក្នុងខណ:ពេល ជនរងគ្រោះកំពុងអង្គុយមើលទូរទស្សន៍បណ្តាលឲ្យស្លាប់នៅកន្លែងកើតហេតុតែម្ដង។
លោកបានបន្តថា ករណីឃាតកម្មនេះកើតឡើងដោយសារជនសង្ស័យជាអ្នកប្រើប្រាស់សារធាតុញៀននិងមានជម្ងឺសរសៃប្រសាទ។
បច្ចុប្បន្នជនសង្ស័យនិងវត្ថុតាងនិងសាងសំណុំរឿង ត្រូវបានចាប់បញ្ជូនខ្លួនទៅស្នងការខេត្តនិងបញ្ជូនបន្តទៅតុលាការខេត្តដើម្បីចាត់ការតាមនីតិវិធីរួចហើយ។
