(ភ្នំពេញ) លោកឧកញ៉ា ម៉ុង ឬទ្ធី ដែលជាមហាសេដ្ឋីផ្នែកកសិកម្មដ៏ធំនៅកម្ពុជាបានប្រកាសលក់គម្រោងលំនៅដ្ឋានសមរម្យនៅដើមឆ្នាំ ២០១៩ ខាងមុខនេះ ដែលមានហេដ្ឋារចនាសម្ព័ន្ធ បរិស្ថានប្រកបដោយធម្មជាតិនៅជាប់ជើងភ្នំពេញ មានកន្លែងហាត់ប្រាណ និងកន្លែងកម្សាន្តនានាជាច្រើនផ្សេងទៀត។
លោកឧកញ៉ា បានសរសេរនៅក្នុងហ្វេសបុកផ្ទាល់ខ្លួនថា “ថ្ងៃសុក្រទី៧ខែធ្នូ ឆ្នាំ២០១៨ ចុះមកពិនិត្យមើលការងារសាងសង់ហេដ្ឋារចនាសម្ព័ន្ធសម្រាប់អភិវឌ្ឍលំនៅឋាន សុំអភ័យទោសផងដល់ប្រិយមិត្ត Facebook ដែលមានចំណាប់អារម្មណ៍ចង់ទិញលំនៅឋាន ក្នុងគំរោងរបស់ខ្ញុំនេះដោយសារត្រូវចំណាយពេលវេលា ដើម្បីសាងសង់លំនៅឋានប្រកបដោយផាសុខភាព កុំអោយមានផលប៉ះពាល់ដល់បរិស្ថានធម្មជាតិ និងបរិស្ថានមនុស្សខ្ញុំត្រូវតែសាងសង់ហេដ្ឋារចនាសម្ព័ន្ធ ផ្លូវសម្រាប់ធ្វើដំណើរ ផ្លូវហាត់ប្រាណស្រូបយកខ្យល់អាកាសធម្មជាតិបរិសុទ្ធដោយថ្មើជើង ឡើងភ្នំ ចុះភ្នំ ជិះកង់ មណ្ឌលកំសាន្ត ប្រណាំងរថយន្ត និងម៉ូតូ សួនសត្វ សួនច្បារ សួនបន្លែផ្លែឈើដែលគ្មានជាតិគីមី ប្រពន្ធទឺកស្អាត ប្រពន្ធរំដោះទឹកសំអុយ ប្រពន្ធការពារសុវត្ថិភាព ត្រៀមបង្ការកុំអោយមានគ្រោះទឹកជំនន់” ៕ល៕
លោកឧញ៉ា សរសេរបន្តថា តើកន្លងមកប្រិយមិត្តយើងដែលធ្លាប់បានគិតគូរដល់ករណីដូចខាងលើនេះដែឬអត់ទេ ? នៅដើមឆ្នាំ២០១៩ខាងមុខនេះក្រុមហ៊ុននិងអាចប្រកាសតម្លៃសមស្របដែលអាចទទួលយកបានទាំងសងខាងហើយ ។
លោកឧកញ៉ារូបនេះធ្លាប់បានមានប្រសាសន៍កាលពីពេលថ្មីៗនេះថា លោកកំពុងតែមានគំរោងដ៏ធំមួយ ដើម្បីសាងសង់លំនៅដ្ឋានកម្រិតមធ្យម ដែលលំនៅដ្ឋាននីមួយៗស្ថិតនៅលើផ្ទៃដី១២០០ ម៉ែត្រការ៉េ ដែលមានបរិស្ថានស្អាត និងសេវាថែទាំ ដាំដើមឈើហូបផ្លែ មានទឹក មានភ្លើង និងប្រព័ន្ធសុវត្ថិភាពជាដើម ដែលស្ថិតនៅក្នុងខេត្តកំពង់ស្ពឺ ដែលមានចម្ងាយត្រឹមតែ៥០ គីឡូម៉ែត្រពីរាជធានីភ្នំពេញ។
លោកឧកញ៉ា ម៉ុង រិទ្ធី បានអោយដឹងថា “ដើម្បីកែប្រែលំនៅដ្ឋានប្រជាជនដែលរស់នៅតំបន់ទីជនបទ អោយក្លាយទៅជាលំនៅដ្ឋានប្រកបដោយផាសុខភាព ខ្ញុំបាន និងកំពុងតែរៀបចំផ្ទៃដីទំហំប្រមាណជាជាង៣០០ហិកតា សម្រាប់សាងសង់លំនៅដ្ឋានលំដាប់មធ្យមក្នុងតម្លៃសមរម្យ។
គំរោងលំនៅដ្ឋាននេះ នឹងសាងសង់នៅលើផ្ទៃដី១២០០ម៉ែត្រការរ៉េសម្រាប់ផ្ទះមួយខ្នងៗ រួមជាមួយនឹងសេវាដាំថែទាំដើមឈើហូបផ្លែ មានទឹក ភ្លើង ប្រព័ន្ធសុវត្ថិភាព មានផ្លូវប្រវែងជាងសែសិបគីឡូម៉ែត្រសម្រាប់ដើរ ឬជិះកង់ហាត់ប្រាណប្រកបដោយសុវត្ថិភាព មានភ្នំដែលខ្ញុំបានថែរក្សាទុកដើមឈើផ្លែកៗ រាប់លានដើមជាច្រើនប្រភេទ ដើមឈើមួយចំនួនបានបញ្ចេញផ្កា ទៅតាមរដូវកាលគួជាទីគយគន់ មានសត្វព្រៃជាច្រើនប្រភេទសត្វស្លាប មាន់ព្រៃ ជ្រូកព្រៃ ដើមឈើមួយចំនួនដុះនៅតំបន់ភ្នំសែនដី ស្រុកសំរោងទង ខេត្តកំពង់ស្ពឺនេះក្នុងព្រះរាជាណាចក្រកម្ពុជាយើងមិនមានដូចគ្នាទេ ទីតាំងនេះមានចម្ងាយតែត្រឹម៥០គីឡូម៉ែត្រពីភ្នំពេញ បើយើងធ្វើដំណើរតាមផ្លូវជាតិលេខ៤ ពីភ្នំពេញចំណាយពេលមិនដល់១ម៉ោងផង។
យ៉ាងណាក៏ដោយ ជាដំណឹងល្អ លោកឧកញ៉ាក៏បានបញ្ជាក់ផងដែរថា ទាំងដី ទាំងផ្ទះ និងការរៀបចំ គឺមានសោភ័ណភាពស្រស់បំព្រង និងមានតម្លៃមិនលើសពី១០ម៉ឺនដុល្លារនោះទេ ៕ប្រភពproperty
