ស្វាយរៀង៖ កាលថ្ងៃទី២៥ ខែវិច្ឆិកា ឆ្នាំ២០១៨សមត្ថកិច្ច នគរបាលក្រុងបាវិតបានធ្វើការចាប់ឃាត់ខ្លួនជនជាតិចិនម្នាក់ នៅចំណុចផ្លូវជាតិលេខ(១) ស្ថិតក្នុងភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង ខណៈ កំពុងតែបើកបររថយន្តម៉ាក កាម៉ារីបាឡែន ពណ៌ ព្រីងទុំ ពាក់ស្លាក់លេខ ភ្នំពេញ ២AC.៦៧៣៥ ។ការឃាត់ខ្លួននេះធ្វើឡើងតាមពាក្យបណ្តឹងរបស់ម្ចាស់រថយន្ត ដែលបាត់។
ជនសង្ស័យជាជនជាតិចិនដែលសមត្ថកិច្ចឃាត់ខ្លួននេះមានឈ្មោះ ឈឹង អៀមើវ ភេទប្រុស អាយុ៤៨ឆ្នាំ ជនជាតិចិន មានទីលំនៅមិនពិតប្រាកដ ។
ចំណែកម្ចាស់រថយន្តមានឈ្មោះ ជា មុំ ភេទស្រី អាយុ៤៧ឆ្នាំ ជនជាតិខ្មែរ មានទីលំនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមម្ចាស់ពាក្យបណ្តឹងបានអោយដឹងថា៖ រថយន្តដែលជនជាតិចិនកំពុងបើកបរនេះ ជារថយន្តរបស់ខ្លួនដែលបានបាត់កាលពីវេលាម៉ោង៣រសៀលថ្ងៃទី២៤ ខែវិច្ឆិកា ឆ្នាំ២០១៨ ខណៈដែលខ្លួនបានចតទុកនៅមុខផ្ទះរបស់ខ្លួន គាត់បានស្វះស្វែងរកដែរ តែរកមិនឃើញលុះរហូតដល់ថ្ងៃទី២៥ ខែវិច្ឆិកា ឆ្នាំ២០១៨ ស្រាប់តែប្រទះរថយន្តរបស់ខ្លួននៅចំណុចផ្លូវជាតិលេខ(១) ស្ថិតក្នុងភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង ដែលបើកបរដោយជនជាតិចិនជាជនសង្សយ័ខាងលើ ក៍ប្ដឹងសមត្ថកិច្ចរដ្ឋបាលព្រៃអង្គុញ ឃាត់ខ្លួនតែម្តង ក្រោពីការសាកសួរចុះលើយរួច ជនសង្ស័យត្រូវបានសមត្ថកិច្ច ឃាត់ខ្លួនជាបណ្តោះអាសន្ន បញ្ជូនទីអធិការដ្ឋាននគរបាលក្រុងបាវិតដើម្បីកសាង សំណុំរឿងបញ្ជួនបន្តរទៅការិយាល័យជំនាញខេត្តចាត់ការតាមច្បាប់ ៕
ប្រភព៖ Heng Ly
