ឯកឧត្តម​ សាយ​ សំអាល់​ រដ្ឋមន្រ្តី​ក្រសួង​បរិស្ថាន​ អនុញ្ញាតឱ្យប្រតិភូនាវាយុវជនអាស៊ីអាគ្នេយ៍ ចូល​សម្តែងការគួរសម

0
315

ឯកឧត្តម​ សាយ​ សំអាល់​ រដ្ឋមន្រ្តី​ក្រសួង​បរិស្ថាន​ បានអនុញ្ញាតឱ្យប្រតិភូនាវាយុវជនអាស៊ីអាគ្នេយ៍ លើកទី៤៦ ចំនួ​ន២៩នាក់​ ចូល​សម្តែងការគួរសម និងទទួលយកនូវអនុសាសន៍​ផ្តាំផ្ញើរ មុនចេញដំណើរ កាលពី​ល្ងាច ថ្ងៃចន្ទ ១រោច​ ខែអស្សុជ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៤​ ខែតុលា ឆ្នាំ២០១៩ នៅទីស្តីការក្រសួងបរិស្ថាន។

ឯកឧត្តម​រដ្ឋមន្ត្រី​ បានធ្វេីការអបអរសាទរ​ និងលេីកទឹកចិត្តដល់ប្រតិភូយុវជន​ ដែលនឹងធ្វេីជាអ្នកតំណាងកម្ពុជានៅលេីឆាកអន្តរជាតិ​ ត្រូវធ្វេីយ៉ាងណាធ្វេីការស្វែងយល់បន្ថែមពីស្ថានភាពនយោបាយសេដ្ឋកិច្ចក្នុងតំបន់​អាស៊ាន​ និងពិភពលោក​ ជាពិសេស​ត្រូវចេះយកឱកាសអភិវឌ្ឍន៍សមត្ថភាពខ្លួនឯង​ ដោយធ្វេីការសិក្សា​ស្វែងយល់ទាំងក្នុងថ្នាក់រៀន​ និងក្រៅថ្នាក់រៀន​ ចែករំលែកវប្បធម៍​ ភាសា​ ព្រមទាំងទាញយកប្រយោជន៍នៃការអភិវឌ្ឍផ្សេង​ៗ សំដៅចូលរួមជំរុញល្បឿននៃការអភិវឌ្ឍសេដ្ឋកិច្ចសង្គមកម្ពុជាផងដែរ។ នៅក្នុងឱកាសនោះ​ ឯកឧត្តម​រដ្ឋមន្ត្រី​ បានឧបត្ថម្ភគាំទ្រ​ និងជូនពរប្រតិភូនាវាយុវជនទាំងអស់ មានសុខភាព​ល្អ​ សុភមង្គល និងជោគជ័យសម្រាប់ដំណេីរចាប់ពីថ្ងៃទី២៤ ខែតុលា ដល់ថ្ងៃទី១៣ ខែធ្នូ ឆ្នាំ២០១៩ខាងមុខនេះ ​៕

LEAVE A REPLY

Please enter your comment!
Please enter your name here