(ស្វាយរៀង) ស្ត្រីម្នាក់បានដាច់ចិត្តចងករសម្លាប់ខ្លួនស្លាប់បន្សល់ទុកកូននៅក្មេងខ្ចីព្រោះតែមានជម្លោះជាមួយប្តីបន្តិចបន្តួច។ ករណីចងករនេះបានកើតឡើងនៅកាលពីវេលាម៉ោង៦និង៣០នាទី ស្ថិតនៅក្នុងភូមិសាម៉ ឃុំស្វាយរំពា ស្រុកស្វាយទាប ខេត្តស្វាយរៀង។
សមត្ថកិច្ចនគរបាលប៉ុស្តិរដ្ឋបាលឃុំស្វាយរំពារបានអោយដឹងថា ជនរងគ្រោះមាន ឈ្មោះ យឹម សេដា ភេទស្រីអាយុ39ឆ្នាំមុខរបរធ្វើស្រែ រស់នៅភូមិសាម៉ ឃំុស្វាយរំពារ ស្រុកស្វាយទាប ខេត្តស្វាយរៀងបានចង(ក)សំលាប់ខ្លួនឯងដោយចងនិងក្រម៉ាពណ៍ខ្មៅ ចងជាប់ទៅនិងផ្ទោងក្នុងជង្រុកស្រូវខាងក្រោយផ្ទះចំងាយ3ម៉ែត្របណ្ដាលអោយស្លាប់។មូលហេតុបណ្តាលមកពីមានទំនាស់ជាមួយប្ដីបន្តិចបន្តួចក៍ខឹងប្ដីលួចទៅចង(ក)សម្លាប់ឯងតែម្ដង។
សមត្ថកិច្ចបានបន្តទៀតថាៈ តាមការសន្និដ្ឋានរបស់សមត្ថកិច្ចជំនាញជនរងគ្រោះពិតជាបានចង(ក)សម្លាប់ខ្លួនឯងពិតប្រាកដមែន។ក្រោយពីបានចងកសម្លាប់ខ្លួនឯងហើយបានបន្សល់ទុកនូវសំបុត្រជាច្រើនសន្លឹកដោយបានបង្កប់អត្ថន័យតូចចិត្តនិងគ្រួសារដែលមានជម្លោះស្ទើររាល់ថ្ងៃពុំដែលមានក្តីសុខឡើយ។ប្រភពCEN
