កាលពីព្រឹកថ្ងៃទី ១៤ ខែ មករា ឆ្នាំ ២០១៨ វេលាម៉ោង ៦,៣០នាទីព្រឹក មានករណីភ្ញាក់ផ្អើលមួយបានកើតឡើង នៅចំនុចរោងលោកតា បឹងសន្ទៃ ឃុំប្រសាទ ស្រុកស្អាងខេត្តកណ្តាល ដោយបុរសម្នាក់បានស្លាប់ដោយសារ ការធ្វេសប្រហែសនៃការចុះទៅឆក់ត្រី។
តាមប្រភពពីសមត្ថកិច្ចបានអោយដឹងថា បុរសដែលរងគ្រោះដល់ស្លាប់នោះមានឈ្មោះថា ឆាំ ឆេង ភេទ ប្រុស អាយុ ៣៤ឆ្នាំ នៅភូមិទួលក្តី ឃុំត្រើយស្លា ស្រុកស្អាង ខេត្តកណ្តាល មុខរបរ នេសាទ។ ប្រភពដដែលបានបន្តថា
នៅល្ងាចថ្ងៃទី ១៣ ខែ មករា ឆ្នាំ ២០១៨វេលាម៉ោងប្រហែល ១៦និង០០នាទី ល្ងាច ឈ្មោះ ឆាំ ឆេង បានប្រាប់ប្រពន្ធ ឈ្មោះ បិន សុខវ៉េង ថាទៅរកត្រីមកធ្វើម្ហូប ។ ពេលចេញទៅបានរៀបចំប្រដាប់ប្រដា មានអាគុយ ដុំឆក់ត្រី និងខ្សែភ្លើង បានចេញទៅបាត់ មួយយប់ មិនឃើញត្រឡប់មកផ្ទះវិញ ។
លុះព្រឹកឡើងថ្ងៃទី ១៤/០១/២០១៨ វេលាម៉ោង០៦ព្រឹក ប្រពន្ធ និងបងប្អូន បានចេញពីផ្ទះទៅរកប្តី ក៏ ប្រទះឃើញ ប្តីស្លាប់នៅក្នុងទឹកក្បែទូក ម្តុំ រោងលោកតា បឹងសន្ទៃ ឃុំប្រសាទ ស្រុកស្អាង ខេត្តកណ្តាល ទើបនាំបង ប្អូនលើកដាក់លើទូកដឹកយកមកផ្ទះនៅភូមិទួលក្តី ឃុំត្រើយស្លា ស្រុកស្អាង។
ក្រោយពីជំនាញ បច្ចេកទេស ស្រុកនិងប៉ុស្តិត្រួតពិនិត្យឃើញថា ជនរងគ្រោះពិតជាស្លាប់ដោយសារឆក់ស្លាប់ ពិតប្រាកដមែន។ ចំណែកសពបានប្រគល់អោយទៅក្រុមគ្រួសារជនរងគ្រោះធ្វើបុណ្យតាមប្រពៃណី។
ដោយ ៖ Sing Ly
ប្រភព ៖ សម្ថកិច្ចស្រុកស្អាង
