ក្រោយបង្ហាញខ្លួនជាផ្លូវការឲ្យក្លឹប Juventus កីឡាករ Cristiano Ronaldo បានថ្លែងយ៉ាងដូច្នេះថា៖ គាត់ខុសគេ គាត់មិនចង់នៅកន្លែងដែលមានសុវត្ថិភាព ឈ្នះស្រួលៗនោះទេ។ លោក Ronaldo បន្ថែមទៀតថា គាត់ចង់មានការប្រកួតប្រជែងច្រើន និងមិនពិបាកចិត្តឡើយពេលចាកចេញពី Real Madrid គាត់ចង់មានការប្រកួតប្រជែងបន្ដទៀត ដោយបានឈ្នះគ្រប់យ៉ាងជាមួយ Real ហើយ។ គាត់សប្បាយចិត្តដែលចាកចេញរកកន្លែងថ្មី ប្រកួតប្រជែងថ្មី។ កីឡាករជាច្រើនវ័យស្មើគាត់នេះ ពួកគេតែងតែទៅរកកន្លែងណាដែលងាយស្រួល (លីគចិន ឬកាតាជាដើម)។ តែអ្វីសម្រាប់គាត់ គឺតែងតែចូលចិត្តការហ្វឹកហាត់ខ្លាំង ប្រឹងប្រែង។ នេះជាមហិច្ឆតារបស់គាត់៕
