មិនថាចាញ់ឫឈ្នះក្ដីក៏អ្នកគាំទ្រនិងអ្នកដែលនិយមលេងអិុនធឺណែតនៅតែគាំទ្រហើយឈរនៅខាងពួកគេ។
ក្រុមបាល់ទាត់កូរ៉េខាងត្បូងអាចនឹងទទួលបានសេចក្ដីស្រលាញ់ជាច្រើនពីសំណាក់ក្រុមអ្នកគាំទ្រជាច្រើនជុំវិញពិភពលោកបន្ទាប់ពីពួកគេទទួលបានជ័យជំនះដ៏គួរអោយភ្ញាក់ផ្អើលលើក្រុមកាពារដំណែងជើងឯកឥន្ទ្រីដែកអាល្លឺម៉ង់។
តែអ្វីៗអាចមិនដូចជាការគិតនោះទេ ទោះបីជាបានផ្ដួលអាល្លឺម៉ង់ក៏ពិតមែន តែកូរ៉េខាងត្បូងនៅតែមិនអាចបន្តដំណើរតទៅទៀតនៅក្នុងប្រទេសរុស្សីឡើយបន្ទាប់ពីបានបញ្ចប់ក្នុងចំណាត់ថ្នាក់ទី ៣ ក្នុងពូល F ខណះដែលពួកគេទទួលការស្វាគមន៏ត្រលប់មកផ្ទះវិញយ៉ាងកក់ក្ដៅ ក៏មានរឿងខ្លះដែលធ្វើអោយមានការចាប់អារម្មណ៍ខ្លាំងនោះគឺមានអ្នកគាំទ្រមួយចំនួនតូចដែលមិនសប្បាយចិត្តនិងលទ្ធផលដែលក្រុមជម្រើសជាតិខ្លួនមិនបានបន្តដំណើរទៅវគ្គបន្ទាប់នៅក្នុងការប្រកួតនៃព្រឹត្តិការណ៍ World Cup ហើយបានគប់ពងទាសំដៅទៅរកកីឡាករ ហើយអ្នកខ្លះទៀតបានគប់ខ្នើយចូលមកផងដែរ។
កីឡាករ Son Heung Min ដែលខ្សែប្រយុទ្ធរូបនេះស្ទើរតែត្រូវអ្នកគាំទ្រគប់មួយពងទា។ ដោយស្ថិតក្នុងស្ថានភាពបែបនោះបានធ្វើអោយគាត់ស្រឡាំងកាំងនិងអាក់អន់ចិត្តខ្លះដែរ។ ថ្វីបើហេតុការណ៍បែបនោះជាទង្វើមិនសមរម្យដែលបានកើតឡើងចំពោះគាត់ក៏ដោយ Son Heung Min បានសម្រេចចិត្តធ្វើការសុំទោសដល់អ្នកគាំទ្ររបស់ពួកគេសម្រាប់ការវិលត្រលប់មកកាន់ផ្ទះវិញដូចច្នេះ។
Son Heung Min បាននិយាយថា« អរគុណដល់អ្នកទាំងអស់គ្នាដែលមកស្វាគមន៏ពួកយើងក្នុងថ្ងៃនេះ ខ្ញុំសុំទោសដល់អ្នកគាំទ្រទាំងអស់ដែលពួកយើងមិនអាចធ្វើតាមការសន្យាថានឹងឡើងវគ្គជំរុះ(វគ្គ ៨ ក្រុម) ប៉ុន្តែខ្ញុំគិតថាពួកយើងទាំងអស់គ្នាក៏បានឃើញថាពួកយើងបានយកឈ្នះលើក្រុមអាល្លឺម៉ង់ដែរ។ ប៉ុន្តែពួកយើងមិនចង់គេចវេសពីកំហុសរបស់យើងជាមួយនិងភាពជោគជ័យបន្តិចបន្ទួចនេះទេ ហើយពួកយើងនិងខិតខំប្រឹងប្រែងបន្តទៅមុខទៀត»
តែទោះបីជាយ៉ាងណាក៏ដោយនៅតែមានអ្នកគាំទ្រជាច្រើននៅតែបន្តស្រលាញ់និងគាំទ្រដល់ពួកគេហើយមានទំនុកចិត្តលើពួកគេនៅពេលដែលពួកគេត្រលប់ទៅក្នុងព្រឹត្តិការណ៏ប្រកួតប្រជែងនៅឯ Asian Cup ឆ្នាំ ២០១៩ នៅខែមករានេះ៕
ប្រែសម្រួល ៖ RathDy