ពត៍មានកីឡា ៖ កាលពីពេលថ្មីៗនេះ កីឡាករប្រដាល់គុនខ្មែរ ឃឹម ឌីម៉ា ត្រូវបានជ្រើសរើសជាអត្តពលិកចូលមកទទួលភ្លើងអទិទេពពីព្រះមហាក្សត្រ ក្នុងកម្មវីធីបើកកីឡាជាតិលើកទី២ នៅថ្ងៃទី២៥ ខែឧសភា ឆ្នាំ២០១៨ សប្តាហ៍ក្រោយ ។ ច្បាស់ណាស់កីឡាករ ឃឹម ឌីម៉ា ត្រូវបានជ្រើសរើសជាតំណាងដល់កីឡាករ កីឡាការនីក្នុងការតទទួលភ្លើងអទិទេពពីព្រះមហាក្សត្រ គឺដោយសារតែលោកជាម្ចាស់មេដាយមាសវិញ្ញាសារគុនខ្មែរ ដែលជាមរតកដ៏យូលង់របស់ដូនតាខ្មែរ ។
ក្នុងកម្មវិធីទទួលភ្លើងអទិទេពនេះ ឃឹមឌីម៉ា និងកីឡាករល្បុកតោ ១០រូបទៀតអមដំណើរ ដើម្បីយកមកបន្តឲ្យកីឡាករ កីឡាការនី ផ្សែងទៀត និងសំដៅមកពហុកីឡាដ្ធាន ដើម្បីប្រគល់ដល់សម្តេចតេជោហ៊ុនសែនអុជតំណាងពិធីបើក ។
គួរបញ្ជាក់ថានេះជាលើកទី២ហើយដែលកម្ពុជា ប្រារព្ធកម្មវិធីកីឡាជាតិនេះឡើង ។ ព្រឹត្តិការណ៍នេះប្រារព្ធ២ឆ្នាំម្តង ដើម្បីចម្រាញ់ធនធានកីឡាត្រៀមចូលរួមប្រកួតកីឡាស៊ីហ្គេមនៅឆ្នាំ២០២៣ នាពេលខាងមុខនេះ។
