ចាប់ឃាត់ខ្លួនសង្ឃក្លែងក្លាយ ៣នាក់កំពុងជិះរឺម៉កម៉ូតូកង់បី ប្រុងទៅបិណ្ឌបាតបច្ចយ័ពីប្រជាពលរដ្ឋ

បុរសទាំង៣នាក់ដែលបន្លធ្វើជាព្រះសង្ឃក្លែងក្លាយ ទី១មានឈ្មោះ ជា ផាន់នី អាយុ​២៨ឆ្នាំ មុខរបរមិនពិតប្រាកដ ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។ ទី២ ឈ្មោះ ជិន សាមុន អាយុ៣៩ឆ្នាំ មុខរបរមិនពិតប្រាកដស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។

ទី៣ ឈ្មោះ វៃ ស៊ីណា អាយុ៣២ឆ្នាំ មុខរបរមិនពិតប្រាកដ ស្នាក់នៅភូមិត្រពាំងស្វាយ សង្កាត់គោកឃ្លាង ខណ្ឌ​សែនសុខ ។ ចំណែកអ្នកបើកបររុឺម៉កម្នាក់ ឃាត់ខ្លួនដែរនោះ ឈ្មោះ សួស ពិសិទ្ធ អាយុ២០ឆ្នាំ មុខរបររត់កង់បី ស្នាក់នៅម្តុំចំការដូង ។ ទាំង៤នាក់មានស្រុកកំណើតភូមិស្រម៉រ ឃុំត្រពាំងស្រែ ស្រុកមេសាង ខេត្តព្រវែង ។

មុនកើតហេតុខណៈកម្លាំងសមត្ថកិច្ចជិះម៉ូតូល្បាតមើលក្នុងមូលដ្ឋាន ស្រាប់តែឃើញរុឺម៉កម៉ូតូកង់បីមានអ្នកជិះ០៣នាក់ មានកោសក់ខុសប្រក្រតីក៏ឃាត់ពិនិត្យស្រាប់តែឃើញសម្ភារៈសំលៀកស្បង់ជីវរ ឃាត់ជាក់ស្តែងតែម្តងនិងនាំយកមកសាកសួរនៅប៉ុស្តិ៍ ។

សមត្ថកិច្ចបុរសក្លែងបន្លំសង្ឃបានប្រាប់ថាពួកគេមិនមែនជាលោកសង្ឃទេ ជាប្រជា ពលរដ្ឋធម្មតាដោយសារតែធ្វើការសំណង់រកលុយមិនបានក៏មានគំនិតក្លែងជាសង្ឃហើយ ដើរបិណ្ឌបាតតាមផ្សារនានាក្នុងក្រុងតែម្តងដោយមានរឺម៉កម៉ូតូកង់បី នៅព្រឹកឡើង មកដឹកចេញពីបន្ទប់ជួលហើយប្តូរសំលៀកបំពាក់មកស្បង់ជីវរតាមដងផ្លូវ ។ ចម្លើយសារភាពបច្ចុប្បន្នជនក្លែងបន្លំជាលោកសង្ឃត្រូវបាននាំខ្លួនយកទៅសាកសួរនៅ អធិការដ្ឋាននគរបាលខណ្ឌសែនសុខ ដើម្បីចាត់ការបន្តតាមនីតិវិធី ៕