មណ្ឌលគិរី៖ នៅល្ងាចថ្ងៃទី៧ខែឧសភាឆ្នាំ២០១៩នេះ រថយន្ត ម៉ាក Lexus470 ពណ៌ខ្មៅ ពាក់ស្លាកលេខ2G-9686 អ្នកបើកបរដោយ ឈ្មោះ សុទ្ធ យុធភេទប្រុសអាយុ៤៩ឆ្នាំសញ្ជាតិខ្មែរមុខរបរកសិកររស់នៅភូមិសិរីរ័ត្នឃុំស្រែសង្គមស្រុកកោះញែកខេត្តមណ្ឌលគិរី។
ពេលបើកមកដល់ចំនុចផ្លូវជាតិលេខ៧៦ក្នុងភូមិអូរណាឃុំស្រែខ្ទុមស្រុកកែវសីមាខេត្តមណ្ឌលគិរី ស្រាប់តែធ្លាយធុងហ្គាស់ឆាបឆេះផ្អើលអ្នកភូមិនៅទីនោះ នាំគ្នាតទុយោទឹកជួយអន្តរាគមន៍បាញ់ពន្លត់បានទាន់ពេល ទើបរថយន្តពន្លត់អគ្គីភយ័ មកដល់។
ហេតុការណ៍នេះពុំបណ្តាលអោយមនុស្សរងគ្រោះថ្នាក់ឡើយ រថយន្តក៏ត្រូវម្ចាស់យកទៅជួសជុលដោយខ្លួនឯង៕