កំពង់ធំ៖ ក្រុមហ៊ុនចិន បានរៀបចំដីជាង២ពាន់ហិតានៅខេត្តកំពង់ធំ ដើម្បីធ្វើការដាំដុះ ដូចជា ស្វាយ និងស្វាយចន្ទីជាដើម និងបង្កើនការងារជាច្រើនជូនដល់ខេត្តកំពង់ធំ ។
គម្រោងដ៏ធំមួយនេះ ក៏មានការសហការគាំទ្រពីក្រសួងកសិកម្មនិងកិច្ចការជនបទរបស់ប្រទេសចិនផងដែរ ដើម្បីមកវិនិយោគនៅលើទឹកដីកម្ពុជា។ ក្នុងការវិនិយោគនេះ ក្រុមហ៊ុននឹងបង្កើតជារោងចក្រវេចខ្ចប់ និងកែច្នៃផ្ទាល់នៅកំពង់ធំនេះតែម្ដង។ ដែលវានឹងបានជួយដល់ប្រជាជនក្នុងតំបន់ទទួលបានការងារច្រើនលើមុខជំនាញនេះ។
រំលឹកថាចិនទើបបង្កើនកូតានាំចូលអង្ករកម្ពុជារហូតដល់៤០០ពាន់តោន និងថ្មីៗនេះបានអនុញ្ញាតឱ្យចេកអំបូងលឿងកម្ពុជាធ្វើការនាំចេញឆ្ពោះត្រង់ទៅកាន់ទីផ្សារចិនផងដែរ៕ប្រភពប្រជាប្រិយ
