ក្រុមហ៊ុន NagaCorp Ltd បានទិញដីអតីតអគារប៊ូឌីង ដើម្បីសាងសង់អគារ Naga ទី៣ តម្លៃប្រមាណជាង ៤ពាន់លានដុល្លារអាមេរិក ដែលមានអគារចំនួន ៥ មានកម្ពស់ ៦៦ ជាន់។ យោងតាមរបាយការណ៍កម្រាស២៩ ទំព័រក្រុមហ៊ុន NagaCorp Ltdបានសរសេរថា ក្រុមហ៊ុនរំពឹងថានឹង ទទួលបានទឹកប្រាក់ប្រហែល ៣,៨ ពាន់លានទៅ ៤ ពាន់លានដុល្លារអាមេរិកសម្រាប់ការអភិវឌ្ឍគម្រោង Naga 3។
របាយការណ៍បង្ហាញថា Naga 3 នឹងមានការសាងសង់សណ្ឋាគារកម្ពស់៦៦ជាន់ចំនួន២ សណ្ឋាគារកម្ពស់ ៥៣ជាន់ចំនួន១ សណ្ឋាគារ condotel កម្ពស់៥៥ជាន់ចំនួន១ កន្លែងចំណតកម្ពស់៣ជាន់ចំនួន១ និងកន្លែង កម្សាន្តចម្រុះចំនួន១២ជាន់មួយកន្លែង។
ក្រុមហ៊ុនបានសរសេរទៀតថា បន្ទាប់ពីបញ្ចប់ការសាងសង់ Naga 3 នេះ NagaWorld Complex ដែលរួមមាន Naga ១, ២, និង ៣, នឹងក្លាយទៅជាកន្លែងកម្សាន្តចម្រុះតាមដងទន្លេដ៏ធំបំផុតនៅលើពិភពលោក៕ ប្រភពBusiness
