ខេត្តព្រះសីហនុ៖យោងតាមរបាយការណ៍ស្នាក់ការកងរាជអាវុធហត្ថ៤០២ ប្រចាំស្រុកកំពុងសិលាបាន
អោយដឹងថា៖ នៅវេលាម៉ោង១២:២០នាទីយប់ ថ្ងៃទី០៥ ខែមិថុនា ឆ្នាំ២០១៩ មានករណីគ្រោះថ្នាក់ចរារណ៍ដ៏រន្ធធត់មួយកើតឡើងលើផ្លូវជាតិលេខ៤ ចន្លោះគីឡូម៉ែត្រលេខ 153-154 ក្នុងភូមិស្ទឹងឆាយខាងត្បូង ឃុំស្ទឹងឆាយ ស្រុកកំពង់សីលា ខេត្តព្រះសីហនុ ។
រវាងរថយន្ត ២គ្រឿងបុកគ្នាដោយរថយន្ត ០១គ្រឿងម៉ាកដេវូ ព៌ណស ពាក់ស្លាកលេខព្រះសីហនុ 3A-3707 រថយន្តបែន មានទិសដៅពីភ្នំពេញទៅ ខេត្តព្រះសីហនុ លុះដល់ចំណុចកើតហេតុខាងលើបានបុកជាមួយរថយន្តម៉ាកហ៊ីណូ
សណ្តោងរឺម៉ក ព៌ណស ធ្នូតខៀវ ពាក់ស្លាកលេខ ភ្នំពេញ 3C-7718 ចតកើចិញ្ចើមផ្លូវបញ្ច្រាស់ទិសដៅគ្នា ។
ក្នុងហេតុការណ៍នេះបណ្ដាលឲ្យអ្នកបើកបរទាំងពីររងរបួសមធ្យម ហើយត្រូវបានបញ្ជូនទៅមន្ទីរពេទ្យ ។ចំពោះមុខកំលាំង អហ ស្នាក់ការសន្តិសុខ ៤០២ សហការជាមួយកំលាំងអធិការនគរបាលស្រុកកំពង់សីលា នៅការពារកន្លែងកើតហេតុ ។ ចំណែកវត្ថុតាងទាំងពីរខាងលើរង់ចាំរថយន្តស្ទូចយកទៅរក្សាទុនៅអធិការដ្ឋាន នប ស្រុកកំពង់សីលា បន្តតាមនិតិវិធី ៕
ប្រភព៖ Facebook
