ខេត្តរតនគិរីៈ ការិយាល័យប្រឆាំងគ្រឿងញៀនខេត្តរតនគិរី នៅថ្ងៃទី១៨ ខែកុម្ភៈ ឆ្នាំ២០១៩ វេលាម៉ោង ១៥ និង៣០នាទី កំលាំងជំនាញបានចុះបង្រ្កាបករណីជួញដូរនិង ប្រើប្រាស់ដោយខុសច្បាប់នូវសារធាតុញៀន(វិធានញុះញង់) នៅចំណុចខាងកើតប្រលានយន្តហោះ ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ដោយមុខសញ្ញាមានល្បិចកល់ខ្ពស់ ដោយបានណាត់ជួបជាមួយភ្ងាក់ងារសំងាត់របស់យើង ធ្វើការប្រគល់លុយមុនបន្ទាប់មកអោយភ្ងាក់ងារសំងាត់ ទៅយកថ្នាំញៀនដែលមុខសញ្ញាផ្លុងលាក់ទុកចោលនៅកន្លែងផ្សេង ជាហេតុធ្វើអោយមុខសញ្ញាមានឱកាសជិះម៉ូតូគេចខ្លួនបាត់ ដូចនេះហើយបាន ជាហេតុធ្វើអោយកំលាំងជំនាញរបស់យើងមិនអាចចាប់មុខសញ្ញាបាន។
វត្ថុតាងដកហូតរួមមាន៖
-ម្សៅក្រាមសថ្លាសង្ស័យសារធាតុញៀនចំនួន០១កញ្ចប់ធំ ទម្ងន់១០.៨១ក្រាមទាំងសំបកថង់
-ជញ្ជីញ០១គ្រឿង
-ដែកកេះចំនួន០៣ដើម
-ថង់សម្រាប់ច្រកថ្នាំញៀនមួយចំនួនធំ
លុះវេលាម៉ោង២១ និង៣០នាទី កម្លាំងជំនាញបន្តការស្រាវជ្រាវតាមចាប់មុខសញ្ញាបាននៅចំណុចចំការកៅស៊ូ ស្ថិតក្នុងភូមិ៤ សង្កាត់កាចាញ ក្រុងបានលុង ខេត្តរតនគិរី បានឃាត់ខ្លួនមុខសញ្ញាចំនួន០២មុខសញ្ញាដែលមានឈ្មោះចូចខាងក្រោម៖
១.ឈ្មោះ ពេជ្រ ពៅ ភេទប្រុស អាយុ២១ឆ្នាំ ជនជាតិខ្មែរ
២.ឈ្មោះ ខន តឿ ភេទស្រី អាយុ២៦ឆ្នាំ ជនជាតិខ្មែរ
បច្ចុប្បន្នជនសង្ស័យរួមទាំងវត្ថុតាងត្រូវបានឃាត់ និងរក្សាទុកបណ្ដោះអាសន្ននៅការិយាល័យជំនាញដើម្បីកសាងសំណុំរឿងបញ្ជូនទៅអយ្យកាអមសាលាដំបូងខេត្ត៕
ប្រភព៖ fb
