គ្រោះថ្នាក់ចរាចរណ៍ក្រឡាប់រថយន្តដោយខ្លួនឯង លើដងផ្លូវជាតិលេខ៤

ស្រុកព្រៃនប់ៈ សេចក្តីរាយការណ៍ពីកងរាជអាវុធហត្ថស្នាក់ការសន្តិសុខ៤០១ផ្លូវជាតិលេខ៤អោយដឹងថា នៅវេលាម៉ោងជិត១០ព្រឹក ថ្ងៃ១៩ កុម្ភៈ២០១៩ មានគ្រោះថ្នាក់ចរាចរណ៍ក្រឡាប់រថយន្តដោយខ្លួនឯង លើដងផ្លូវជាតិលេខ៤ចន្លោះគីឡូម៉ែត្រលេខ១៦១.១៦២ភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។

រថយន្តនេះជាកូរ៉េ ពណ៍ខៀវ ពីតោនកន្លះ ដឹកមាន់ ពាក់ផ្លាកលេខ ភ្នំពេញ 3D 7241ក្នុងទិសដៅ ភ្នំពេញទៅខេត្តព្រះសីហនុ បើកបរដោយឈ្មោះ សែន នៅ ភេទប្រុស អាយុ ២១ឆ្នាំ មុខបរបរបើកបរ មានទីលំនៅ ភូមិសុភី ឃុំស្រែជាខាងជើង ស្រុកដងទង់ ខេត្តកំពត មកដល់ចំណុចខាងលើ រថយន្តមានល្បឿនលឿន ក៍រេ ចង្កូតធ្លាក់ទៅខាងឆ្វេងដៃ ដោយខ្លួនឯង ។

ករណីនេះមិនបណ្តាលអោយ គ្រោះថ្នាក់ដល់មនុស្សឬទ្រព្យសម្បត្តិសាធារណៈឡើយ៕

ប្រភព៖ Huy Bunleng