អភិបាលខេត្តកំពង់ចាម អញ្ជើញប្រគេនទានវស្សា វត្តជ័យគីរី (ហៅវត្តភ្នំហាន់ជ័យ)

ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម រួមដំណើរដោយឯកឧត្តម អភិបាលរងខេត្ត ព្រមទាំងមន្ត្រីរាជការអង្គភាពជុំវិញខេត្ត បានអញ្ជើញប្រគេនទានវស្សា វត្តជ័យគីរី (ហៅវត្តភ្នំហាន់ជ័យ) មានប្រសាសន៍នៅក្នុងការជួបសំណេះសំណាលជាមួយបងប្អូនលោកយាយលោកតាប្រជាពលរដ្ឋ។

ឯកឧត្តម អ៊ុន ចាន់ដា បានផ្ដាំផ្ញើដល់បងប្អូនប្រជាពលរដ្ឋសូមយកចិត្តទុកដាក់ពីបញ្ហាផ្ទុះនៃជំងឺគ្រុនឈាមតែបច្ចុប្បន្ននេះជំងឺគ្រុនឈាមបានសម្លាប់កុមារនិងមនុស្សចាស់ ជាច្រើននៅក្នុងប្រទេសកម្ពុជា ហេតុនេះសូមបងប្អូនប្រជាពលរដ្ឋទាំងអស់ សម្អាតបរិស្ថាន និង លុបថ្លុក ប្រមូលកប់វត្ថុដែលអាចដល់ទឹកបាន និងត្រូវដាក់ថ្នាំ អាល់ប៊ែត ចូលពាងទឹកការពារកុំអោយកើតមូស ដែលជាដើមចមនៃការកើតជំងឺគ្រុនឈាម ។បន្ថែមពីនោះទៀតឯកឧត្តម បានផ្តាំផ្ញើរដល់បងប្អូនពីបញ្ហាគ្រោះថ្នាក់ ចរាចរណ៍ផងដែរ។