ខេត្តព្រះសីហនុ៖ នៅវេលាម៉ោង ប្រមាណ ៨និង៣០នាទី ព្រឹកថ្ងៃទី១៨ ខែកុម្ភៈ ឆ្នាំ២០១៩នេះ តាមផ្លូវជាតិលេខ៤ គីឡូម៉ែត្រ ១៧៦-១៧៧ ភូមិត្រពាំងមូល ឃុំជើងគោ ស្រុកព្រៃនប់ មានគ្រោះថ្នាក់ចរាចរណ៍មួយករណីទៀតកើតឡើង រវាង រថយន្ត ១គ្រឿងម៉ាក PRUIS ពណ៌ស គ្មានផ្លាកលេខ អ្នកបើកបរឈ្មោះ សុង សំ ភេទ ប្រុស អាយុ ៣៧ឆ្នាំ មានទីលំនៅស្រុកកំពង់សិលា ខេត្តព្រះសីហនុ មានទិសដៅពីក្រុងព្រះសីហនុ ទៅស្រុកកំពង់សិលា លុះដល់ចំណុចខាងលើ បានបត់ឆ្វេង ឆ្លងកាត់ផ្លូវ បន្ទាប់មកក៏មានរថយន្តធុនធំ មកពីខាងក្រោយជ្រុលចង្កូតកៀរធ្លាក់ផ្លូវទាំងពីរ រថយ្តធំម៉ាក HYUNDAI ពណ៌ស គ្មានផ្លាកលេខ អ្នកបើកបរឈ្មោះ ជា រ៉ាវី ភេទ ប្រុស អាយុ ២៥ឆ្នាំ មានទីលំនៅ ស្រុកគងពិសី ខេត្តកំពង់ស្ពឺ ។ គ្រោះថ្នាក់នេះពុំបណ្ដាលឲ្យមានអ្នករងរបួសទេ ប៉ុន្តែរថយន្ត ២គ្រឿង ខូចខាត។ សមត្ថកិច្ចបានចាត់ចែង យកមករក្សាទុកនៅអធិការដ្ឋាន នគរបាលស្រុកព្រៃនប់ ដើម្បីដោះស្រាយបន្ត ៕
ប្រភព៖ FB
