(កណ្ដាល)៖ រថយន្តបាឡែនមួយគ្រឿងត្រូវបានចោរលួចយកទៅបាត់ បង្កឲ្យមានការភ្ញាក់ផ្អើល នៅថ្ងៃទី០៩ ខែកុម្ភៈ ឆ្នាំ២០១៩នេះ នៅចំណុចភូមិព្រែកពោធិ៍ ឃុំទឹកវិល ស្រុកស្អាង ខេត្តកណ្ដាល ។
ជនរងគ្រោះជាម្ចាស់រថយន្តឈ្មោះ ជុំ ឡេងហាក់ ភេទប្រុស អាយុ ៣៧ឆ្នាំជនជាតិខ្មែរ មុខរបរជាងជួសជុលរថយន្ដ មានទីលំនៅ
ភូមិ ឃុំកើតហេតុ ។
រថយន្ដដែលបាត់បង់០១ គ្រឿង ម៉ាក Camry បាឡែន ពណ៌ ស ឆ្នាំ២០០៣ ពាក់
ស ស្លាកលេខភ្នំពេញ.2AK-6435
លេខតួ៖ jTDBE32K330177186
លេខម៉ាស៊ីន៖ 2AK7047352
(ម្ចាស់កម្មសិទ្ធិ ឈ្មោះ ជុំ វុត្ថា)។”
សមត្ថកិច្ចបានឲ្យដឹងថា កាលថ្ងៃទី០៨.០២.២០១៩ ឈ្មោះ ជុំ ឡេងហាក់ ត្រូវជាបងបង្កើត បានខ្ចីរថយន្ដរបស់ប្អូនយកមកជិះ ។ លុះដល់ម៉ោង១៧.០០នាទីយប់ បានចតទុក
រថយន្ដ នៅបរិវេណមុខផ្ទះរបស់ខ្លួន ដោយគ្មានរបងទ្វារឡើយ ដោយអាង លើកាមេរ៉ាសុវត្ថិភាព ។
លុះដល់ម៉ោង ០៥.០០នាទីទាបភ្លឺព្រឹកថ្ងៃទី៩ ភ្ញាក់ពីដំណេកមកមើលរថយន្តមិនឃើញក៏ភ្ញាក់ផ្អើលតែម្ដង។
រួចបាន រាយការណ៍និងដាក់
ពាក្យបណ្ដឹងនៅប៉ុស្តិ៍នគរបាលរដ្ឋបាលទឹកវិល ដើម្បីជួយស្រាវជ្រាវ។
ករណីនេះ កម្លាំងប៉ុស្តិ៍ សហការជាមួយកម្លាំងជំនាញកំពុងបន្តស្រាវជ្រាវនិងផ្សព្វផ្សាយតាមបណ្ដាររាជធានីខេត្តក្រែងមានពន្លឺ៕ ធារ៉ា
ប្រភព៖ ដើមរាំង-Dermrang
