(កណ្តាល)៖ ចាប់ខ្លួនមុខសញ្ញាជួញដូរថ្នាំញៀន០២នាក់ និងថ្នាំញៀន០៣កញ្ចប់នៅស្រុកខ្សាច់កណ្តាល ហេតុការណ៍ឃាត់ខ្លួននេះធ្វើឡើងកាលពីវេលា ម៉ោង ១៧:០០នាទីថ្ងៃទី០៧ ខែកុម្ភៈ គ.ស ២០១៩ស្ថិតនៅចំណុច ភូមិក្បាលកោះ ឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ។
មុនពេលកើតហេតុ កម្លាំងជំនាញស្រុកបានចុះស៊េីបអង្កេត និងឃ្លាំមេីលនៅចំណុចមុខវត្តក្បាលកោះ ភូមិក្បាលកោះ ឃុំកោះឧកញ៉ាតី ដែលជាកន្លែងជនសង្ស័យឧស្សាហ៍យកថ្នាំញៀនទៅលក់ ស្របពេលនោះក៏ឃេីញជនសង្ស័យទាំង០២នាក់មកដល់ ។ ហេីយសមត្ថកិច្ចនគរបាលក៏ឃាត់ធ្វេីការឆែកឆេររកឃេីញថ្នាំញៀនចំនួន ០៣កញ្ចប់តូច ដែលឈ្មោះ ណៃ មេត្តា បានលាក់ទុកក្នុងខោចំនួន០២កញ្ចប់តូច និងឈ្មោះ វឿន តូម បានលាក់ទុកចំនួន ០១កញ្ចប់តូច ។
កន្លងមកឈ្មោះ ណៃ មេត្តា និងឈ្មោះ វឿន តូម ជាមុខសញ្ញាជួញដូរថ្នាំញៀន នៅក្នុងមូលដ្ឋាន ។
ប្រភពដដែលបានបន្តទៀតថា ជនសង្ស័យចំនួន ០២នាក់ (ឃាត់ខ្លួន)
១-ឈ្មោះ ណៃ មេត្តា ភេទប្រុស អាយុ ២៤ឆ្នាំ មុខរបរ លក់ថ្នាំញៀន ជនជាតិខ្មែរ មានទីលំនៅភូមិក្បាលកោះ ឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ។
២- ឈ្មោះ វឿន តូម ភេទប្រុស អាយុ ២៤ឆ្នាំ ជនជាតិខ្មែរ មុខរបរ កសិករ មានទីលំនៅភូមិក្បាលកោះ ឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ។
វត្ថុតាងចាប់យក៖
-ម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក) ចំនួន ០៣កញ្ចប់ (ទម្ងន់សរុប ០,២៤g)
-ទូរស័ព្ទម៉ាកណូគា សេរី១០៥ ពណ៌ខៀវ ចំនួន ០១គ្រឿង ។
-ម៉ូតូម៉ាកMSX សេរី២០១៤ ពណ៍ក្រហមបិតខ្មៅ ពាក់ស្លាកលេខ ភ្នំពេញ 1CP 6379 ចំនួន ០១គ្រឿង ។
ក្រោយពីធ្វើការសាកសួរឈ្មោះ ណៃ មេត្តា បានឆ្លេីយសារភាពថាខ្លួនទៅទិញថ្នាំញៀនពីមនុស្សប្រុសម្នាក់មិនស្គាល់ឈ្មោះ នៅម្តុំស្វាយប៉ាក ខណ្ឌព្រែកព្នៅ រាជធានីភ្នំពេញបាន០១កញ្ចប់តម្លៃ ៣០$ ហេីយយកមករំលែកដាក់កញ្ចប់តូចៗទុកលក់បន្ត។
បច្ចុប្បន្នសមត្ថកិច្ចនគរបាលបានបញ្ជូនជនសង្ស័យទាំងពីរនាក់ ព្រមទាំងវត្ថុតាងមកកាន់អធិការដ្ឋាននគរបាលស្រុកខ្សាច់កណ្តាលដើម្បីបន្តអនុវត្តតាមនីតិវិធី៕
ប្រភព៖ ដើមរាំង-Dermrang
