ខេត្តបន្ទាយមានជ័យ ៖ មានករណីលង់ទឹកស្លាប់(ក្មេង) ចំនួន02នាក់ កាលពីវេលាម៉ោង15:30នាទី ថ្ងៃទី06/02/2019នេះ ត្រង់ចំណុចអាងថ្មដែកកេះ ខាងកើត ភូមិថ្មដែកកេះ ចំងាយ200ម៉ែត្រ ស្ថិតក្នុងភូមិថ្មដែកកេះ ឃុំបន្ទាយឆ្មារ ស្រុកថ្មពួក ដោយដំបូងឡើយមានក្មេង04នាក់ ចេញពីរៀនគួរ បាននាំគ្នាទៅលេងទឹកអាង ស្រាប់តែលង់ទឹកស្លាប់ចំនួន02នាក់។
ជនរងគ្រោះមានឈ្មោះ សម្បតិ្ត ស្រីណុង ភេទស្រី អាយុ08ឆ្នាំ និងម្នាក់ទៀតឈ្មោះ ថន គឹមហួន ភេទ ស្រី អាយុ06 ឆ្នាំ មានទីលំនៅភូមិឃុំកើតហេតុខាងលើ ជាមួយគ្នា។ ក្រោយពីទទួលបានពត៌មានភ្លាម កម្លាំងជំនាញ និងកម្លាំងប៉ុស្តិ៍រដ្ឋបាល សហការជាមួយគ្រូពេទ្យ អាជ្ញាធរភូមិឃុំ ចុះត្រួតពិនិត្យដល់កន្លែងកើតហេតុ ពុំមានស្នាកស្នាមពាក់ព័ន្ធនឹងបទល្មើសឡើយ ។
មូលហេតុចុះលេងទឹកអាងថ្មដែកកេះ ទើបបណ្តាលអោយលង់ទឹកស្លាប់តែម្តង ។ ក្រោយធ្វើកោសល្យវិច័្ចយរួច សមត្ថកិច្ច បានប្រគល់សពជូនក្រុមគ្រួសារ ដើម្បីរៀបចំធ្វើបុណ្យតាមប្រពៃណី៕
