ខេត្តសៀមរាប ៖ ក្មេងស្រី២នាក់ជាបងប្អូនបង្កើតនឹងគ្នា ត្រូវសមត្ថកិច្ចចាប់ឃាត់ខ្លួនបន្ទាប់ពីនាំគ្នាទៅលួចម៉ូតូរបស់គេ ហេតុការណ៍នេះបានកើតឡើងកាលពីវេលាម៉ោង១០និង២៥នាទីព្រឹកថ្ងៃទី០៤ ខែកុម្ភៈ ឆ្នាំ២០១៩ នៅក្នុងផ្ទះ របស់ជនរងគ្រោះ ស្ថិតនៅក្រុមទី១០ ភូមិកសិកម្ម សង្កាត់ស្រង៉ែ ក្រុង-ខេត្តសៀមរាប រួចគេចខ្លួនបាត់ ស្រមោល ។
ក្រោយទទួលបានពាក្យបណ្តឹងភ្លាមៗនោះលោកបានឱ្យកម្លាំងជំនាញចុះស្រាវជ្រាវ រហូតឈានដល់ធ្វើការឃាត់ខ្លួនបានជនសង្ស័យទាំង២នាក់ និងវត្ថុតាងនៅហាងអ៊ុតសក់មួយកន្លែង ស្ថិតនៅតាមបណ្តោយផ្លូវទៅភ្នំក្រោម ក្នុងភូមិអារញ្ញ សង្កាត់សៀមរាប ក្រុង-ខេត្តសៀមរាប រួចនាំយកមកសួរនៅអធិការដ្ឋាននគរបាលក្រុងសៀមរាប ។
ក្រោយពីធ្វើការសាកសួរជនសង្ស័យ (ក្មេងស្រី)ទាំងពីរនាក់ រួចមកពួកគេបានឆ្លើយសារភាពថា ខ្លួនពិតជាបានធ្វើសកម្មលួចយកម៉ូតូរបស់ជនរងគ្រោះខាងលើពិតប្រាកដមែន ។
ជនសង្ស័យទាំង២នាក់រួមមានឈ្មោះ
ទី១-ឈ្មោះ វិន សុជា ហៅហេង ភេទស្រី អាយុ១៦ឆ្នាំ មុខរបរមិនពិតប្រាកដ និង២-ឈ្មោះ វិន ស្រីលាភ ភេទស្រី អាយុ១៥ឆ្នាំ មុខរបរមិនពិតប្រាកដ (ទាំងពីរនាក់ ជាបងប្អូនបង្កើត) មានស្រុកកំណើត និងទីលំនៅបច្ចុប្បន្ននៅភូមិកំពង់ថ្កូវ ឃុំមានជ័យ ស្រុកប្រាសាទបាគង ខេត្តសៀមរាប ពាក់ព័ន្ធករណីអំពើលួច (យកម៉ូតូ)មានស្ថានទម្ងន់ទោស ។
បច្ចុប្បន្នជនសង្ស័យ (ក្មេងស្រី) ទាំង២នាក់ត្រូវបានកម្លាំងជំនាញរៀបចំកសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់ ចំណែកម៉ូតូជនរងគ្រោះប្រគល់ឱ្យម្ចាស់ដើមវិញ ៕
ប្រភព៖ Heng Ly
