ភ្នំពេញ៖ ក្នុងឱកាសចូលរួមក្នុងពិធីតែងតាំងស្នងការនគរបាលខេត្តព្រៃវែង កាលពីថ្ងៃទី០១ ខែកុម្ភៈ ឆ្នាំ២០១៩ ម្សិលមិញនេះ នាយឧត្តមសេនីយ៍សន្តិបណ្ដិត នេត សាវឿន អគ្គស្នងការនគរបាលជាតិ បានមានប្រសាសន៍ថា បទល្មើសទូទាំងប្រទេស ឆ្នាំ២០១៨ កើនឡើង ប៉ុន្តែ បច្ចុប្បន្ន បទឧក្រិដ្ឋធ្ងន់ធ្ងរ មានចាប់ជំរិត ប្លន់ បានថយចុះគួរឲ្យកត់សម្គាល់ ។
ទោះយ៉ាងណា សម្រាប់បទល្មើសឆក់ នាយឧត្តមសេនីយ៍ ក៏បានមានប្រសាសន៍បញ្ជាក់ថា៖ «ចំណុចនេះ ខ្ញុំសំណូមពរឯកឧត្ដម ព្រះរាជអាជ្ញា និងតុលាការដែរ យើងខ្ញុំបានសំណូមពរ ព្រះរាជអាជ្ញានៅភ្នំពេញ ។ នៅភ្នំពេញធ្វើបានខ្ញុំក៏កោតសរសើរគាត់ ។ បើតាមទោស អានេះព្រហ្មទណ្ឌតូចតាច បទល្មើសមជ្ឈឹមស្រាលទេ ប៉ុន្តែ នៅភ្នំពេញមិនមែនស្រាលទេ ព្រោះឆក់បណ្តាលឲ្យស្លាប់មនុស្ស ឆក់ទាញមកដួល បុក មនុស្សស្លាប់ ។ ចឹងមិនមែនប្លន់ទេ ប៉ុន្តែ ឆក់ស្លាប់មនុស្ស ។
ចឹងហើយបានជានៅភ្នំពេញ បានឯកភាពគ្នាថា ពេលដែលចាប់បានចោរឆក់ គឺត្រូវតែប្ដឹងពីបទមនុស្សឃាតដោយចេតនា ចូលបទឧក្រិដ្ឋ ព្រោះបទមជ្ឈឹមស្រាលពេក ។ ឆ្នាំ២០១៨ ចាប់បានជាង ៥០០នាក់ គ្រាន់តែភ្នំពេញជិត៤០០នាក់» ៕
ប្រភព៖
