បុរស៣នាក់ផឹកសុី ច្រៀងខារ៉ាអូខេយ៉ាងសប្បាយ គិតលុយអស់៤២មុឺនរៀល មិនមានលុយអោយ ហើយថែមទាំង អុកឡុកវាយបំផ្លាញទ្រព្យសម្បត្តិនឹងទាញកាំបិតរកកាប់ម្ចាស់ហាងថែមទៀត

កំពង់ស្ពឺ៖ បុរស៣នាក់ផឹកសុី ច្រៀងខារ៉ាអូខេយ៉ាងសប្បាយ គិតលុយអស់៤២មុឺនរៀល មិនមានលុយអោយ ហើយថែមទាំង
អុកឡុកវាយបំផ្លាញទ្រព្យសម្បត្តិនឹងទាញកាំបិតរកកាប់ម្ចាស់ហាងថែមទៀតហេតុការណ៍នេះបានបង្ករអោយមានការភ្ញាក់ផ្អើលកាលពីថ្ងៃទី៣១ ខែ មករា ឆ្នំា២០១៩នៅចំណុចភូមិជំនាប់ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។

ជនសង្ស័យទាំង៣នាក់មាន៖

១,ឈ្មោះ ថា ថៃ ភេទប្រុស អាយុ ២៣ឆ្នាំ
២,ឈ្មោះឡេង វេត ភេទប្រុស អាយុ៣០ឆ្នាំ ។
៣,ឈ្មោះយ៉ន មេត្តា ភេទប្រុស អាយុ២៣ឆ្នាំ
អ្នកទាំង៣នាក់មានទីលំនៅភូមិក្រាំង ឃុំហោងសំណំ ស្រុកឱរ៉ាល់ខេត្តកំពង់ស្ពឺ។

មុនពេលកើតហេតុជនសង្ស័យទាំង៣នាក់បានមកផឹកស៊ីច្រៀងខារ៉ាអូខេ នៅហាង រស្មីឱរ៉ាល់ ម្ចាស់ហាងមានឈ្មោះ ញ៉ិប សុដុម ភេទប្រុស អាយុ៣៣ឆ្នាំ រស់នៅភូមិឃុំកើតហេតុខាងលើ អស់ប្រាក់៤២ម៉ឺនរៀល ហើយខ្វះលុយឲ្យម្ចាស់ហាង ក៏ធ្វើសកម្មភាពចង់ បណ្ដោះគ្នារត់គេច តែត្រូវម្ចាស់ឃាត់មិនឲ្យចេញពីហាងត្រូវតែទូទាត់ប្រាក់សិន ពេលនោះជនសង្ស័យទាំង៣នាក់ស្រែកឡូឡានឹងបានទាញកាំបិតផ្គាក់ចេញពីម៉ូតូ បង្កការអុកឡុកកាប់តុនិងជញ្ជាំងគំរាមម្ចាស់ហាងទៀតផង ម្ចាស់ហាងបានរត់មកខាងក្រៅប្ដឹងសមត្ថកិច្ចជួយអន្ដរាគមន៍ ។

ឃាត់ខ្លួនជនសង្ស័យទាំង៣នាក់រួមនឹងវត្ថុតាងកាំបិតផ្គាក់ យកមកអធិការដ្ឋាននគរបាលស្រុកឱរ៉ាល់ ដើម្បីធ្វើការសាកសួរ និងចាត់ការតាមនីតិវិធី៕