ភ្នំពេញ៖ ជិះម៉ូតូឆក់កាបូបពីនារីម្នាក់មិនបានសម្រេច ត្រូវប្រជាពលរដ្ឋជិះម៉ូតូដេញគៀរផ្តួល ចាប់វាយម្នាក់មួយដៃ មួយជើង សន្លប់ស្តូកស្តឹង ហេតុការណ៍នេះបានកើតឡើងកាលពីវេលាម៉ោង២និង៣០នាទី រំលងអធ្រាត្រ ឈានចូលថ្ងៃទី៨ ខែមករា ឆ្នាំ២០១៩ នៅចំណុចគល់ស្ពានអាកាសស្ទឹងមានជ័យ តាមបណ្តោយផ្លូវមុនីរ៉េត ស្ថិតក្នុងសង្កាត់បឹងសាឡាង ខណ្ឌទួលគោក ។
ជនសង្ស័យឈ្មោះ ព្រីង តួ ភេទប្រុសអាយុ២៧ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើតនៅភូមិទេព ឃុំកោះខែ ស្រុកស្អាង ខេត្តកណ្តាល។ ចំណែកជនរងគ្រោះឈ្មោះ សុភក្ត័ ភេទស្រី អាយុ៣៣ឆ្នាំ មុខរបរធ្វើការនៅខារ៉ាអូខេអេកូ ស្នាក់នៅក្រោយវត្តស្ទឹងមានជ័យ បាត់បង់កាបូប១ និងម្សៅផាត់មុខមួយចំនួន។
មុនពេលកើតហេតុរួបគាត់បានចេញពីធ្វើការបំណងជិះម៉ូតូម៉ាកធូដេពណ៌ក្រហមពាក់ស្លាកលេខភ្នំពេញ1FS4845។មកដល់ចំណុចកើតហេតុស្រាប់តែមានជនសង្ស័យម្នាក់ជិះម៉ូតូម៉ាកយ៉ាម៉ាហាអ៊ិចហ្សិចទ័រពណ៌ខៀវពាក់ស្លាកលេខភ្នំពេញHB2656ធ្វើដំណើរមកពីក្រោយបានឆក់ការបួបតែមិនបានសម្រេច។
ជនសង្ស័យជិះហួសបន្តិចរួចក៏បកមកវិញធាក់ម៉ូតូគាត់ផ្តួលឆក់កាបូប។ ប្រជាពលរដ្ឋដែលនៅក្បែរឃើញទាន់ក៏ដេញចាប់បានភ្លាមៗតែម្តង។ ក្រោយពេលកើតហេតុជនសង្ស័យត្រូវបានសមត្ថកិច្ចនាំយកទៅប៉ុស្តិ៍រដ្ឋបាលបឹងសាឡាងដើម្បីសាកសួបន្តតាមនីតិវិធី៕
ប្រភព៖ FB
